လူ့အလို နတ်မလိုက်နိုင်

‘’ လူကလေး။ ဟေး လူကလေး’’

ဂျူယန်ဟာ ပတ်ပတ်လည် ကြည့်လိုက်တယ်။ ‘’ ဘယ်သူလဲ။ ခင်ဗျား ဘယ်နေရာမှာလဲ။ ကျွန်တော် ခင်ဗျားကို မမြင်ရဘူး။ ‘’

‘’ဒီမှာ။ ဒီမှာလေ။ ‘’

ခပ်လှမ်းလှမ်းက မြစ်တစ်စင်းနားမှာ သစ်ပင်တွေရှိနေတယ်။ ဂျူယန်ဟာ သူ့ဆီသွားတယ်။အဲဒီလူဟာ အရပ်ရှည်ပြီး အစ်ိမ်းရောင်မျက်လုံးတွေ ရှိတယ်။

‘’ ခင်ဗျား ဘယ်သူလဲ။’’ လို့ ဂျူယန်က မေးလိုက်တယ်။

‘’ငါ ကားလော့(စ်)ပဲ။ ဘာစီလိုနာက လာတာလေ။ ‘’

‘’ ဘာစီလိုနာလား။ ဒါဆို အရမ်းဝေးမှပေါ့။ ‘’

‘’ ဟုတ်တယ်။ ငါလူတစ်ယောက်ကို ရှာနေတာ။ အဘိုးအို တစ်ယောက်ပေ့ါ။’’

‘’ အဲဒီလူက အရမ်းအိုမင်းနေပြီ။ လူတွေပြောကြတာက သူဘယ်တော့မှ သေမှာ မဟုတ်ဘူးတဲ့။ သူတို့က သူသေနိုင်မှာ မဟုတ်ဘူး လို့ ပြောကြတယ်။ ‘’

‘’ အိုး။ အဲဒီလူကို ကျွန်တော်သိပြီ။ သူ အဲဒီနေရာမှာ နေတာ။ တောင်ပေါ်မှာပေ့ါ။ အိမ်လေးကို ခင်ဗျားတွေ့လား။ ဟုတ်တယ်။ အဲဒီမှာ။ ကြည့်လိုက်ပါဦး။ မိန်းမကြီးတစ်ယောက် အိမ်ထဲ အခုဝင်သွားပြီ။ ‘’

‘’ သူမက ဘယ်သူလဲ။ ‘’

‘’အိုး။ သူမက ဒီရွာမှာနေတဲ့ သူပေ့ါ။ သူမဟာ ညစာစားချိန်တိုင်း သူ့အိမ်ကို အစားအသောက်တွေ ယူသွားပေးတတ်တယ်။ ပြီးတော့ သူ့မှာ ဇနီးသည်လည်း မရှိတော့ဘူး။ ကလေးတွေလည်း မရှိတော့ဘူး။ အပေါင်းအသင်း မိတ်ဆွေတွေလည်း မရှိတော့ဘူး။ သူတို့အားလုံး သေသွားကြပြီ။ အားလုံး အားလုံးပေါ့။ ‘’

‘’ ငါ သူ့ဆီသွားရမယ်။ ကျေးဇူးပဲ ကောင်လေး။ ‘’

‘’ မဟုတ်သေးဘူး။ မသွားနဲ့။ ရပ်လိုက်ပါ။ ‘’

ကားလော့(စ်)ဟာ ပြန်လှည့်လာတယ်။

‘’ ဘာကြောင့်လဲ။’’

‘’ ကောင်းပြီ။ သူ…. သူက ကျွန်တော်တို့နဲ့ မတူဘူး။ ကျွန်တော်တို့ပြောတတ်တဲ့ ဘာသာစကားကို မပြောတတ်ဘူး။ သူ ကျွန်တော်တို့ကို တစ်စုံတစ်ရာတော့ ပြောပြတယ်။ ဒါပေမဲ့ သူပြောတာ ကျွန်တော်တို့ နားမလည်ဘူး။ သူ ဒီအကြောင်းချည်းပဲ ထပ်ခါထပ်ခါ ပြောတယ်။

‘’ ငါ သူ့ကို တွေ့ချင်တယ်။ ဘိုင့်။’’

ကားလော့(စ်)ဟာ တောင်ပေါ်တက်သွားပြီး လူကြီးရဲ့ အိမ်ထဲဝင်လိုက်တယ်။ အိမ်ရှေ့တံခါးက ပွင့်နေတယ်။ ဒါ့ကြောင့် သူအထဲဝင်လိုက်တယ်။ သူ့ရှေ့မှာ လူတစ်ယောက်ရှိတယ်။ သူ အရမ်းအိုမင်းမစွမ်းရှိနေပြီး နာမကျန်းဖြစ်နေတယ်။

‘’ ကျွန်တော် ခင်ဗျားကို စကားပြောချင်ပါတယ်။ ‘’ လို့ ကားလော့(စ်)က ပြောလိုက်တယ်။ ‘’ကျွန်တော် အထဲဝင်လာလို့ ရမလား။ ‘’

အဘိုးအိုက တစ်စုံတစ်ရာ ပြောလိုက်တယ်။ ဒါပေမဲ့ စကားလုံးတွေက စပိန် ဘာသာစကားမဟုတ်ပါဘူး။ အရမ်းအရမ်းကို ရှေးကျတဲ့ ဘာသာစကားပါ။

ကားလော့(စ်)က ရပ်လိုက်တယ်။အဲဒီနောက် သူက အဘိုးအိုကို ထိုဘာသာစကားနဲ့ ‘’ ဟယ်လို’’ လို့ ပြောလိုက်တယ်။

မျက်ရည်တွေဟာ အဘိုးအိုရဲ့ မျက်နှာကို ဖြတ်ပြီး စီးဆင်းလာတယ်။

‘’ မင်း ငါ့ဘာသာစကားကို ပြောတတ်တာပဲ။ ငါ့ကို မင်းနားလည်နိုင်မှာပါ။’’

‘’ ဟုတ်ကဲ့။’’ လို့ ကားလော့(စ်)က ပြောလိုက်တယ်။ ‘’ကျွန်တော် ခင်ဗျားကို နားလည်ပါတယ်။ ဘာ့ကြောင့်လဲဆိုတော့ ကျွန်တော်ဟာ ရှေးဘာသာစကားတွေကို သင်ကြားနေသူတစ်ယောက်ပါ။ ဒါပေမဲ့ ကျွန်တော့်ကို ပြောပြပါ။ ခင်ဗျား ဒီဘာသာစကားကို ဘယ်လိုပြောတတ်တာလဲ။ ဒီနေ့ ခေတ်မှာ ဒီသာသာစကားကို ဘယ်သူမှ မပြောတတ်ကြတော့ဘူး။ ‘’

‘’ င့ါရဲ့ ဘ၀ဇာတ်ကြောင်းကို နားထောင်ကြည့်ပါ။’’ လို့ အဘိုးအိုက ပြောလိုက်တယ်။

‘’ ငါဟာ လူချမ်းသာတစ်ယောက်ဖြစ်ခဲ့ဖူးတယ်။ ငါဟာ ငါ့မိန်းမနဲ့ ငါ့ပိုက်ဆံကို ချစ်မြတ်နိုးတယ်။ တစ်ညနေမှာ လူတစ်ယောက် ငါ့အိမ်ကို ရောက်လာခဲ့တယ်။ မိုးရွာနေတယ်။ ‘’ ကျွန်တော် အရမ်းချမ်းတုန်ပြီး စိုစွတ်နေပါတယ်။ အထဲဝင်လာလို့ ရမလား။ ‘’ လို့ သူက ပြောတယ်။

‘’ ရပါတယ်။’’ လို့ ငါက ပြောတော့ ထိုလူ အထဲဝင်လာတယ်။

ထိုလူဟာ ငါ့အိမ်တွင်းမှာရှိတဲ့ လှပတဲ့ အရာအားလုံးကို ကြည့်နေတယ်။

‘’ခင်ဗျား တော်တော်ချမ်းသာတာပဲ။ ‘’ လို့ သူကပြောတယ်။ ‘’ ခင်ဗျားမှာ အရာအားလုံးရှိနေတယ်။ ‘’

‘’ခင်ဗျားမှာ မရှိတာဘာလဲ။’’လို့ သူက မေးတယ်။

‘’ကျွန်တော် အသက်ရှိတာကို လိုချင်တယ်။ ကျွန်တော် အသက်ရှင်လျက်ပဲ ရှိချင်တယ်။ ပြီးတော့လည်း အသက်ရှင်လျက်ပဲ ရှိချင်တယ်။ နောက်ပြီးတော့လည်း အသက်ရှင်လျက်ပဲ ရှိချင်တယ်။ ဘယ်တော့မှ မသေချင်ဘူး။’’

‘’ကျွန်တော် ခင်ဗျားကို ဘ၀ တစ်ခု ပေးနိုင်တယ်။ ဒါပေမဲ့ ခင်ဗျားပျော်နိုင်ပါ့မလား။ အဲဒါကိုရော ခင်ဗျားအလိုရှိရဲ့လား။’’

‘’ ကျွန်တော် လိုချင်ပါတယ်။ ‘’လို့ ငါဖြေခဲ့တယ်။

‘’ ဒီစာအုပ်ထဲမှာ စကားလုံးအချို့ ကျွန်တော်ရေးထားခဲ့မယ်။ အရာအားလုံး ဟာ အချိန်တန်ရင်ပျက်စီးရမှာပဲ။ ဒီစကားလုံးတွေ ၊ ဒီစာမျက်နှာ၊ ဒီစာအုပ်ဟာ တစ်နေ့နေ့မှာ အားလုံးအဆုံသတ်ရမှာပဲ။ အဲ့ဒီနေ့မှာ ခင်ဗျားသေလိမ့်မယ်။ ဒါပေမဲ့ စာအုပ်ကို မျက်စိ ရှေ့မှောက်မှာ မထားနဲ့။ အခု ဒီစာအုပ်ကို အဝေးမှာ ထားလိုက်ပါ။ အဲဒါက ခင်ဗျားကို ဘ၀ တစ်ခုပေးလိမ့်မယ်။ ‘’

ငါဟာ ငယ်ရွယ်နုပျိုနေပြီး အသက်ရှင်လျက် ရှိချင်တယ်။ ဒါ့ကြောင့် အဲဒီစာအုပ်ကို အဝေးမှာ ထားလိုက်တယ်။

ငါဟာ နှစ်ပေါင်းများစွာ အသက်ရှင်နေထိုင်ခဲ့တယ်။ ပြီးတော့ အခုထိလည်း ငါအသက်ရှင်နေတုန်းပဲ။ ငါ့မိတ်ဆွေ သူငယ်ချင်းတွေနဲ့ ငါ့မိသားစု အားလုံးဟာ သေကုန်ကြပြီ။ ငါလမ်းမလျှောက်နိုင်တော့ဘူး။ ငါသေချင်နေတယ်။ ဒါပေမဲ့ ငါမတတ်နိုင်ဘူး။ ငါမေးပြီးရင်း မေးမိတယ်။ ဒါပေမဲ့ အခုချိန်မှာ ဘယ်သူမှ ငါပြောတဲ့ ဘာသာစကားကို မပြောတတ်ကြတော့ဘူး။ ဘယ်သူမှလည်း ငါ့ကို နားမလည်နိုင်ကြဘူး။ ဘယ်သူမှလည်း ငါ့ကို မကူညီနိုင်ကြဘူး။ ဒါပေမဲ့ မင်းတော့တတ်နိုင်ပါတယ်။ ငါသေချင်နေတယ်။ ကျေးဇူးပြုပြီး ကျေးဇူးပြုပြီး ငါ့ကို ကူညီပါဦး။’’

‘’ဒါပေမဲ့ ဘယ်လိုကူညီရမှာလဲ။ ‘’လို့ ကားလော့(စ်)က ပြောလိုက်တယ်။

‘’အဲဒီ စာအုပ်ကို ငါ့အတွက် ယူပေးပါ။ ပန်းခြံရဲ့ အဆုံးမှာရှိတဲ့ အခန်းငယ်လေးထဲ မှာပါ။ အဲဒါကို ယူပြီး မီးထဲထည့်လိုက်ပါ။ ‘’

ကားလော့(စ်)ဟာ ထွက်သွားပြီး ထိုစာအုပ်နဲ့ ပြန်ရောက်လာတယ်။ သူဟာ စာအုပ်ကို မီးထဲထည့်လိုက်တယ်။

ထိုလူနှစ်ယောက်လုံးဟာ မီးကို ကြည့်နေကြတယ်။

‘’ ကြည့်ပါဦး။ စာအုပ်မီးလောင်နေပြီ။ ‘’ လို့ ကားလော့(စ်)က ပြောလိုက်တယ်။

‘’ဟုတ်တယ်။အခု ငါပျော်သွားပြီ။ ‘’ လို့ အဘိုးအိုက ပြောတယ်။

‘’ ကျေးဇူးပဲ။ ငါ့ဘ၀ကြီး အဆုံးသတ်သွားပြီ။ ‘’

No.106, The Best English Magazine April,2008 တွင်ဖော်ပြခံရသော စာမူဖြစ်သည်။

အဖေ (အောင်ဘညို)

အဖေကို

ဦးညွှတ်ဖို့ ကြည့်လိုက်တော့

အဖေက မရှိတော့ဘူး အဖေ…….။

ပန်းပွင့်ထဲမှာ

ရနံ့ထည့်သူကို လေးစားရမှာလား

ပန်းစိုက်သူကို အသိအမှတ်ပြုရမှာလား

အဖေ

အဖေ အဲဒီအကြောင်းတွေ

ကျွန်တော့်ကို ပြောမပြခဲ့ဘူး……။

တစ်ခါတုန်းက

သတ္တိနဲ့ မိုက်ရူးရဲ

အမှန်တရားနဲ့ ကောက်ကျစ်မှု

မင်းသိချင်ရင်

ဒီစာအုပ်တွေ ဖတ်ကွာတဲ့

အဖေ

ကျွန်တော့်ကို လမ်းလျှောက်သင်ခဲ့ပါတယ်….။

မြစ်တွေက ရေစီးသန်လှချည်ရဲ့

တောင်တွေက မတ်စောက်လှချည်ရဲ့

လမ်းတွေက ကွေးကောက်လှချည်ရဲ့

စကားလုံးတွေက မာယာများလှချည်ရဲ့

အိမ်ကို တည့်တည့်ပြန်ဖို့

အဖေ့စာအုပ်တွေဟာ

သားရဲ့ လမ်းပြမြေပုံပါပဲ အဖေ…..။

ဆက်ရန် (ရည်မွန်- No)

            ညှိလို့မှ မရတာ

            အတိအကျ ဆုံးဖြတ်ပေ့ါ

            ငါပဲ ခဏခဏပြောခဲ့တာ။

            ဒါပေမဲ့

            မြန်မာစာမှာ ပုဒ်ကလေးဖြတ်တာ

            ဆက်ရန်ရှိသေးသည် ဆိုတဲ့ သဘော။

            မင်းက မင်းအလုပ်နဲ့ မင်းမျောနေတာတောင်

            ငါ့အကြောင်းတွေ စဉ်းစားပြီး ဖတ်ဖတ်မော။

            နောက်ဆုံးတော့

            ငါပြတ်ပြတ်ပြောဖို့ မချင့်မရဲ

            မင်းမရှိချိန် မိနစ်ခြောက်ဆယ်မှာ

            ငါ ကမ္ဘာပျက်နေလို့

            ငါကိုယ်တိုင်

            ပုဒ်ကလေး တစ်ကြောင်းဆွဲလိုက်တယ်။    ။

နင်မလာသော ည (ဖြူဖြူကျော်သိန်း)

           မျက်လုံးများမှိတ်

            မှေးအိပ်နေသောည

            တိမ်ယံပြင် ကြယ်မရှိ

            အလင်းမထိသော ည

            ငွေဖြူလွှာ လမသာ

            နင် မလာသော ည…………။

            မျက်လုံးများ စူးစပ်

            အိပ်မမက်သော ည

            အတွေးများခေါင်

            နားခိုသောင် မရှိသော ည

            မှန်ပြတင်းဝန်းကျင်မသာ

            နင်မလာသော ည……….။

            ကန့်လန့်ကာလွင့်

            လေသံကို စွင့်နေရသောည

            အခန်းမီး မငြိမ်း

            မသိမ်းရသေးသော ည

            ရွက်ကြွေရာ ခြေသံထင်

            နင်လေလား မျှော်သောည……..။

            ဒါပေမဲ့

            ဒီရင်မှာ လွမ်းစစ ကျန်ရစ်

            နင် မလာဖြစ်ခဲ့သော ည…………။

ရောဂါ (မင်းခိုက်စိုးစန်)

           ရှင်ကွဲ ကွဲခဲ့ပုံကတော့

သူလို ငါလိုပါပဲ…။

            ကြယ်တွေကလဲ

တိတ်တိတ်ကလေးပဲ လင်းတယ်။

            သံယောဇဉ်ဆိုတာ သကြားလုံးတစ်မျိုးပဲ မဟုတ်လား….။

            အချိုသိပ်ကြိုက်တဲ့ သူဟာ

            တစ်နေ့နေ့မှာ

သွားပိုးစားခံရမှာ သေချာတယ်။

            အဲဒီအခါ …. မငိုပါနဲ့။

            မျက်ရည်ဆိုတာဟာလည်း

ပုံတိုပတ်စ တစ်ခုပဲလေ…

            ကိုယ့်ကိုယ်ကို လမ်းကြိုလမ်းကြား သေးသေးလေးဖြစ်အောင် ဖန်ဆင်း

            ဘယ်သူမှ မသိတဲ့ မြို့တစ်မြို့မှာ

            ကျောခင်းပြီး လှဲနေလိုက်ပါ……….

            ပိုးလောက်လန်းတွေကို စစ်နေရမှာနဲ့စာရင်

            အချစ်ကို သွန်ပစ်လိုက်ရတာက ကောင်းတယ်။

ကြွက်တွင်း

    စစ်ကိုင်းတိုင်း ကွန်ပျူတာအသင်းဝင်ဖို့အတွက် ကျွန်မတို့ ကျောင်းကို ထောက်ခံစာသွားတောင်းတဲ့နေ့ကပေါ့။ ကျွန်မရယ်၊ ကျွန်မသူငယ်ချင်း ဝေမာရယ်၊ ကျွန်မညီမလေး အိဖုံရယ် ဆိုင်ကယ်နှစ်စီးနဲ့ ကျောင်းကို သွားကြပါတယ်။ကျောင်းရောက်တော့ ထောက်ခံစာ အရင်မတောင်းသေးဘဲ Module တန်းကိုသင်နေတဲ့ ဆရာမဒေါ်သင်းသင်းနွယ်ဆီ သွားကြတယ်။ ဆရာမက အတန်းသင်နေတုန်းမို့ ကျွန်မတို့က ဆရာမကို စောင့်ဦးမယ်ပြောပြီး ကပ်ရက် အခန်းထဲ သွားထိုင်နေကြပါတယ်။ ကျွန်မတို့ ကျောင်းဘက်မှာ ဆောက်နေတဲ့ GTC အဆောက်အဦးကြီးကိုကြည့်ပြီး ထင်မြင်ချက်တွေပေးကြ၊ ခံစားချက်တွေ ဖွင့်ပြောကြနဲ့ပေါ့။ အဲဒီအချိန်မှာ ကျွန်မက ထန်းပင်တွေကို ကြည့်မိသွားတဲ့အတွက် သူတို့နှစ်ယောက်ကို ဟာသပြောလိုက်ပါတယ်။

          “ ငါတို့ကျောင်းက ယောက်ျားလေးတွေ ဘောလုံးပွဲမှာ ရှုံးပေမယ့် ထန်းပင်တက်တာနဲ့ ထန်းရည်သောက်တာတော့ နိုင်လောက်ပါတယ်။ ‘’

            ဒီမှာတင် ကျွန်မညီမကလည်း

            ‘ ဟုတ်တယ်။ဟုတ်တယ်။ သမီးတို့ကျောင်းမှာ ကြွက်တွင်းတွေ ရှိတယ်လို့ ကြားတယ်။ ‘

            ငြိမ်ပြီးနားထောင်နေတဲ့ ကျွန်မသူငယ်ချင်းကလည်း အားကျမခံ ၀င်ပြောပါတယ်။ နားလည်မလိုလိုနဲ့ ၀င်ပြောလိုက်တဲ့ သူ့စကားကြောင့် ကျွန်မတို့ ညီမနှစ်ယောက် မျက်ရည်ကျအောင် ရယ်ခဲ့ရပါတယ်။

            သူပြောလိုက်တာက

            ‘ ဟုတ်တယ်ဟ။ ကြွက်တွင်းထဲကနေ လယ်ကြွက်ကြီးတွေ ထွက်ထွက်လာတယ်။ အကြီးကြီးပဲ’ တဲ့လေ။

မှတ်ချက်။          ။ No.4,March , 2006 ရယ်စရာ မှာ မရယ်နဲ့ ကဏ္ဍတွင် ကသစ်(မုံရွာ-GCC) ကလောင်နာမည်ဖြင့် ဖော်ပြခံခဲ့ ရသောစာမူဖြစ်သည်။

            

အကောင်းဆုံးလက်ဆောင်

2^nd Yr Final Term အင်္ဂလိပ်စာဖြေပြီး ထွက်လာတော့ သူငယ်ချင်းတစ်ယောက်က စာရောက်နေလို့ဆိုပြီး ယူလာပေးတယ်။ဘယ်သူလဲဆိုတဲ့ အတွေးက ကျွန်မရင်ထဲ ခဏတော့ စိုးမိုးသွားတယ်။ ဟုတ်တယ်လေ။ ကျွန်မ သူငယ်ချင်းတွေက ကျွန်မဆီ စာရေးရင် ကျောင်းလိပ်စာနဲ့ ဘယ်တော့မှ ထည့်လေ့မရှိကြဘူး။ Pen Friend တစ်ယောက်ဖြစ်မယ်ဆိုတဲ့ အသိက ကျွန်မရင်ထဲကို လှုပ်ရှားသွားစေတယ်။ စာကို ချက်ချင်းပဲ ဖောက်ဖတ်ကြည့်လိုက်တယ်။ သူ့ကိုယ်သူလည်း မိတ်ဆက်ထားတယ်။ သူ့နာမည်က ထိုက်ထိုက်သုန်တဲ့။ စာဆုံးသွားတော့ ကျွန်မစိတ်မကောင်းဖြစ်သွားမိတယ်။ ကွန်ပျူတာကောလိပ် တက်နေကြသူချင်းမို့ သူက ကျွန်မကို ပထမနှစ်က ကျောင်းစာနဲ့ ပတ်သက်ပြီး မသိတာလေးတွေ အကူအညီတောင်းထားတယ်။ စာပြန်ရင် မုံရွာကနေ မြစ်ကြီးနားကို (၂)ရက်နဲ့ ဘယ်လိုမှ မရောက်နိုင်မှန်းသိလို့ စိတ်မကောင်းဖြစ်ရုံမှတစ်ပါး ဘာမှ လုပ်မပေးနိုင်ခဲ့ဘူး။ စာမေးပွဲ ဖြေနေစဉ်အတွင်းဆိုတော့ ကိုယ့်ကျောင်းစာတွေနဲ့ အလုပ်ရှုပ်နေခဲ့သလို သူ့အတွက်လည်း စာမေးပွဲဖြေနိုင်ပါစေလို့ ဆုတောင်းပေးမိတယ်။ စာမေးပွဲပြီးမှ သူ့ဆီ စာပြန်ဖြစ်ခဲ့တယ်။

သူ့ဆီက စာတစ်စောင်ထပ်ရောက်လာတယ်။ ဒီတစ်ခါတော့ အိမ်လိပ်စာ ပေးထားတဲ့အတွက် အိမ်လိပ်စာနဲ့ ရောက်လာပါတယ်။ ကျောင်းပိတ်ရက်တွေအတွင်းဆိုတော့ တစ်ယောက်နဲ့ တစ်ယောက် ဆက်သွယ်ဖို့ အိမ်လိပ်စာကသာ အဆင်ပြေပါတယ်။ ကျွန်မမှာ အဖိုးတန်တဲ့ Pen Friend တစ်ယောက်ရပြီ ဖြစ်လို့ ပျော်ရွှင်မိခဲ့တယ်။ ဘာလို့လဲဆိုတော့ သူနဲ့ ကျွန်မဟာ ၀ါသနာချင်းတူလို့ပါ။ စာတွေကို တရှိုက်မက်မက် ဖတ်တတ်ပြီး စာရေးဆရာဖြစ်ချင်ကြတယ်။ သူ့ရဲ့စာထဲမှာ အခုခေတ်လူငယ်တွေရဲ့ ၀တ်စားဆင်ယင်မှုအပေါ် ကျွန်မရဲ့ အမြင်ကိုမေးထားတယ်။ ကျွန်မကလည်း စာပြန်လိုက်ပါတယ်။ ခုခေတ် လူငယ်အချို့ရဲ့ ၀တ်စားဆင်ယင်မှုက တခါတလေ အရမ်းဟော့ကြောင်းနဲ့ အမြင်မတော်ကြောင်းစတဲ့ အမြင်တချို့နဲ့ ကျွန်မရဲ့ ၀တ်စားဆင်ယင်ပုံကိုလည်း ပြောပြလိုက်ပါတယ်။

တိုက်ဆိုင်လိုက်တာ။ သူနဲ့ ကျွန်မရဲ့ ၀တ်စားဆင်ယင်ပုံက တော်တော့်ကို တူပါတယ်။ ယောင်္ကျားလေးဝတ် ဂျင်းဘောင်းဘီကို ခုံမင်စွာ ၀တ်တတ်ကြတယ်။ ရှပ်အကျီင်္ကို မြတ်နိုးစွာ ၀တ်တယ်။ တစ်ခုပဲ ကွဲတယ်။ သူက T.Shirt ၀တ်တတ်ပြီး ကျွန်မက လုံးဝမ၀တ်ပါဘူး။ ဘောင်းဘီကျပ်ကျပ်၊အကျီင်္ကျပ်ကျပ်တွေကို နှစ်ယောက်စလုံး သဘောမကျကြပါဘူး။ ယောင်္ကျားလေးလို ၀တ်ရတာ အရမ်းကြိုက်ပြီး ထဘီဝတ်ရတာကိုတော့ ကျွန်မတို့ အရမ်းစိတ်ပျက်ကြတယ်။

သူက Hip Hop သီချင်းတွေ၊ Rap တွေကို ရင်ခုန်ပြီး ကျွန်မကတော့ သီချင်းအေးအေးလေးတွေပဲ နှစ်ခြိုက်တယ်။ ဘယ်Music က ပိုကောင်းတယ်ဆိုပြီးတော့လည်း မငြင်းခုံကြဘူး။ တစ်ယောက်အကြိုက်ကို တစ်ယောက်နားလည်ပေးနိုင်ကြတယ်။

နောက်ပြီး ဆရာကြီး မြသန်းတင့်ရဲ့ လေရူးသုန်သုန်ထဲက မီလာနီဆိုတဲ့ ဇာတ်ကောင်ကို ကျွန်မတို့ အရမ်းသဘောကျကြတယ်။ အရမ်းလေးစားကြတယ်။ အက်ရှလေကိုတော့ မပြတ်သားတဲ့သူ ၊ကိုယ့်ကိုယ်ကို မသိတဲ့သူလို့ ယူဆကြတယ်။ စကားလက်အိုဟာရာကိုတော့ မာယာများပြီး လောကဓံကို ကြံ့ကြံ့ခံရင်ဆိုင်နိုင် သူလို့ထင်မြင်ကြတယ်။ ရက်ဘက်တလာကိုတော့ အခြေအနေနဲ့ အချိန်အခါကို သိတဲ့သူ၊ တစ်ကိုယ်ကောင်းဆန်တယ်ထင်ရပေမယ့် သမီးရဲ့ ဖခင်ကောင်းတစ်ယောက်အဖြစ် မှတ်ချက်ချကြတယ်။ ဆရာကြီး အောင်သင်းရဲ့ ဆောင်းပါးတွေကို နှစ်နှစ်ခြိုက်ခြိုက် ဖတ်ကြတယ်။ အကြိုက်ဆုံး စာရေးဆရာတွေမှာတော့ သူနဲ့နည်းနည်းကွဲတယ်။ သူက ဆရာမ မိုးမိုး(အင်းလျား)၊ဆရာမ မစန္ဒာ ၊ ဆရာသော်တာဆွေ၊ ဆရာကြီး ရွှေဥဒေါင်း၊ ဆရာမ ၀င်းဝင်းလတ် ၊ ဆရာမ ကြည်အေး၊ ဆရာ တက္ကသိုလ် ဘုန်းနိုင်တို့ကို အရမ်းသဘောကျတယ်။ ကျွန်မကတော့ ဆရာမကြီး ဂျာနယ်ကျော် မမလေး၊ ဆရာကြီးမြသန်းတင့်၊ ဆရာအောင်သင်း၊ ဆရာ ဇောဂျီ၊ ဆရာကြီး ရွှေဥဒေါင်း၊ဆရာမ မစန္ဒာ တို့ကို အရမ်းလေးစား အားကျမိတယ်။ စာအုပ်တစ်အုပ် ဖတ်ပြီးတိုင်း ကိုယ့်ရဲ့အမြင်ကို ဆွေးနွေးကြတယ်။ ဘယ်စာအုပ်ဖတ်သင့်တယ်လို့ လမ်းညွှန်ကြတယ်။

ကျွန်မတို့ နှစ်ယောက်လုံး စာဖတ်ဝါသနာပါတာအပြင် စာအုပ်စုတာလည်း ရူးသွပ်ကြတယ်။ စာအုပ်တွေကို ပိုင်ဆိုင်လိုက်ရရင်ပဲ ပီတိဖြစ်သွားတဲ့ စိတ်ဓာတ်ချင်းလည်း တူညီကြပါတယ်။ ကိုယ်ပိုင် စာအုပ်ဆိုင်ကြီး ဖွင့်နိုင်ဖို့လည်း အိပ်မက်မက်ကြတယ်။ လူတွေ အသိဥာဏ်တိုးပွားစေဖို့ ကိုယ့်မြို့ ကိုယ့်ရွာမှာ Library တစ်ခုတည်ထောင်ချင်တဲ့ ဆန္ဒကလည်း ကျွန်မတို့ရဲ့ စိတ်မှာ ကိန်းအောင်းနေပါတယ်။ စီးပွားရေးလုပ်ရမှာကို မုန်းပြီး ပညာနဲ့ပဲ အသက်မွေးချင်ကြတယ်။ ပညာကို ပြန်ဖြန့်ဝေချင်ကြတယ်။

အသက်အရွယ်မတူပေမယ့် သူဟာ ကျွန်မအတွက် မိတ်ဆွေကောင်း တစ်ယောက်ပါ။ ကျွန်မကိုယ်တိုင်လည်း သူ့အတွက် မိတ်ဆွေကောင်းတစ်ယောက်ဖြစ်မယ်လို့ ယုံကြည်ပါတယ်။ သူက ကျွန်မကို ရှာဖွေရင်း တွေ့ရှိခဲ့တယ်။ ကျွန်မကတော့ သူ့ကို မရှာဖွေဘဲ တွေ့ရှိခဲ့တယ်။ ဘာပဲဖြစ်ဖြစ် ကျွန်မတို့ နှစ်ယောက်ရဲ့ တွေ့ဆုံမှုအတွက် ကံကြမ္မာကို ထာဝရ ကျေးဇူးတင်နေမှာပါ။ တကယ်တော့ ကိုယ်နဲ့ စိတ်တူကိုယ်တူ ၊ ၀ါသနာတူတဲ့ မ်ိတ်ဆွေကောင်းတစ်ယောက် ရထားတာဟာ လူတစ်ယောက်အတွက် အကောင်းဆုံးလက်ဆောင် လက်ဝယ်ပိုင်ဆိုင်ထားခြင်းပဲ ဖြစ်ပါတော့တယ်။

PS . Pen Friend ညီမလေး ထိုက်ထိုက်သုန်အတွက် အမှတ်တရ

မှတ်ချက်။          ။ No.67,Beauty Magazine September 2005  Youth Forum ကဏ္ဍတွင် ဖော်ပြခံရသော စာမူဖြစ်သည်။

အိပ်မက်ထဲက ကျောင်းတော်ကြီး

      ကျွန်မကတော့ ၂၀၀၁မှာ ၁၀ တန်းအောင်ထားသူပါ။ ဂုဏ်ထူးတစ်ခုမှ မပါပေမယ့် အမှတ်က မနည်းပါဘူး။ဒါပေမယ့် မျှော်လင့်သလို ဖြစ်မလာတဲ့အတွက် စိတ်ဓာတ်ကျခဲ့ပါတယ်။ စိတ်တည်ငြိမ်ဖို့အတွက် စန်းမြသီတာကဖွင့်တဲ့ ၀ါတွင်းတရားစခန်းကို ၀င်ဖြစ်ခဲ့ပါတယ်။စခန်းဝင်နေတုန်းမှာ သူငယ်ချင်းတစ်ယောက်က ကျွန်မမိဘတွေကို ကွန်ပျူတာကောလိပ်က ဖွင့်တဲ့ ပေါင်းကူးသင်တန်းကို လျှောက်ခိုင်းခဲ့ပါတယ်။ မိဘတွေက လျှောက်ပေးခဲ့ပါတယ်။ ဒီလိုနဲ့ ကွန်ပျူတာကောလိပ်ကဖွင့်တဲ့ အခြေခံပေါင်းကူးသင်တန်းကို တက်ရောက်ခွင့် ရခဲ့ပါတယ်။ ကျောင်းတက်ရတော့မှာဖြစ်တဲ့အတွက် တရားစခန်းမှာ ၁၉ ရက်ပဲနေခဲ့ရပါတယ်။ တရားထိုင်ခဲ့တဲ့ အတွက်လည်း စိတ်တည်ငြိမ်နေပါပြီ။

            မုံရွာ ကွန်ပျူတာကောလိပ်က မြို့ထဲကနေသွားရင် ၇မိုင်လောက်ဝေးပါတယ်။ အရမ်းဝေးတဲ့အတွက် ကျောင်းကားတွေ ပြေးဆွဲပေးပါတယ်။ပေါင်းကူးသင်တန်းကို တက်ခွင့်ရတဲ့ကျွန်မတို့အဖွဲ့က အုပ်စုတောင့်ပါတယ်။ ရှစ်ယောက်ရှိပါတယ်။ရှစ်ယောက်လုံး ၂၀၀၁ အောင်တွေဖြစ်ပြီး အ.ထ.က(၁) ကျောင်းထွက်တွေပါ။ပေါင်းကူးသင်တန်းက ၁၁ နာရီ ကနေ ၄း၃၀ ထိတက်ရမှာပါ။ ကျောင်းကားကို ၁၀း၃၀ လောက်မှာ ကျွန်မတို့ အဖွားအိမ်ရှေ့က စောင့်စီးရပါတယ်။ (အဖွားအိမ်က ဗိုလ်ချုပ်လမ်းဘေးမှာပါ။) ကားခက အသွား ၁၅ ကျပ်၊ အပြန် ၁၅ ကျပ်ပါ။ ကားကတော့ ရှစ်စီးလောက်ဆွဲပေးပါတယ်။ ပထမဆုံး သူငယ်ချင်းတွေနဲ့ ကျောင်းကားစီးပြီးတက်ရတာမို့ အရမ်းပျော်ပါတယ်။ ကားပေါ်မှာ သူငယ်ချင်းအချင်းချင်း နောက်ရင်းပြောင်ရင်းနဲ့ စီးလာလိုက်ကြတာ မုံရွာကွန်ပျူတာကောလိပ်ကို ရောက်ပါတယ်။ကျောင်းတော်ကြီးကို ၀င်းအကျယ်ကြီးထဲမှာ တွေ့ရပါတယ်။မုံရွာမြို့ အစိုးရကွန်ပျူတာကောလိပ်ဆိုတဲ့ စာတန်းကလည်း ကြွေပြားချပ်တွေပေါ်မှာ ၀ံ့ဝံ့ကြွားကြွားပါပဲ။လေ့လာကြည့်လိုက်တော့ အဆောင်(၅)ဆောင် ရှိပါတယ်။ (၄) ဆောင်က စာသင်ဆောင်ဖြစ်ပြီး ၊ ကျန်တဲ့အဆောင်ကတော့ အခြားမြို့မှ စာလာသင်ရတဲ့ ဆရာမတွေအတွက်ပါလို့ နောက်ပိုင်းမှာသိရတယ်။ကျောင်းသားရေးရာလို့ထင်ရတဲ့ အဆောင်မှာကျောင်းသား၊ကျောင်းသူတွေ အုံခဲနေတာပါပဲ။စုံစမ်းကြည့်လိုက်တော့ ကျောင်းအပ်နေတာတဲ့။ ဒါနဲ့ ကျွန်မတို့အဖွဲ့လည်း ကျောင်းအပ်ဖို့ သွားကြတယ်။ ဆရာမ စာလာသင်မယ်ဆိုတဲ့အတွက် သူငယ်ချင်း နှစ်ယောက်ကို ကျောင်းအပ်ဖို့ထားခဲ့ပြီး ခုံဦးဖို့ ကျွန်မနဲ့ ကျန်သူငယ်ချင်းတွေ အခန်းဆီကိုသွားခဲ့ကြတယ်။အဆောင်တစ်ဆောင်မှာ အခန်းနှစ်ခန်းရှိပါတယ်။ ကျွန်မတို့က အဆောင်တစ်ဆောင်ရဲ့ အခန်းအကျယ်ကြီးထဲဝင်ပြီး ခုံဦးကြပါတယ်။ဆရာမကို စောင့်နေကြတယ်။ နာရီဝက်လောက်ကြာတဲ့အထိ ဆရာမ ရောက်မလာပါဘူး။ခဏကြာတော့ ကျောင်းအပ်နေတဲ့ သူငယ်ချင်းနှစ်ယောက် ရောက်လာပါတယ်။ နင်တို့ဘာလို့ စာဝင်မသင်တာလဲလို့လည်း မေးပါတယ်။ ကျွန်မတို့လည်း ကြောင်အမ်းအမ်းနဲ့ပေါ့။ ငါတို့စာသင်ဖို့အတွက် ခုံဦးထားတာဆိုတော့ သူတို့နှစ်ယောက်က ရယ်လိုက်ကြတာ။ ဟိုဘက်အဆောင်မှာ သင်နေတာဆိုမှ ကျွန်မတို့လည်း လွယ်အိတ်ကိုယ်စီ ယူပြီး အပြေးသွားကြပါတယ်။ ဆရာမကို ခွင့်တောင်းပြီးဝင်ထိုင်ကြပါတယ်။ ကျောင်းအပ်နေကြလို့ထင်တယ်။ အခန်းထဲမှာ လူအများကြီး မရှိပါဘူး။ ကျောင်းကနေလှမ်းကြည့်ရင် ဗောဓိတစ်ထောင်က လျောင်းတော်မူဘုရား ကို ဖူးမြင်ရပါတယ်။ ကျောင်းစတက်တဲ့နေ့ကတော့ ကျွန်မတို့အတွက် ကမောက်ကမနဲ့ပါပဲ။ မုန့်ဆိုင်လေးတွေကတော့ ကျောင်းဝင်းအပြင်မှာ ရှိပါတယ်။ မုန့်ဆိုင်ကလေးတွေကတော့ ပကာသနမပါဘဲ ရိုးရိုးစင်းစင်းနဲ့ပါ။ မြို့ထဲမှာလောက် မုန့်စုံမရပေမယ့် စားလို့ကောင်းပါတယ်။

            နောက်နေ့တွေမှာ အချိန်စာရင်းထုတ်ပေးပါတယ်။စက်ချိန်တွေလည်း ပါပါတယ်။ စာသင်ချိန်တွေပြီးတော့ စက်ခန်းဝင်ရမယ့်အချိန်ရောက်လာပါတယ်။ ကွန်ပျူတာကို မြင်သာမြင်ဖူးပြီး မကိုင်ဘူးသေးပါ။ ဘာလို့လဲဆိုတော့ ကျွန်မက ၁၀တန်းအောင်ပြီး သူများတွေ Computer Basic တက်နေချိန်မှာ မတက်ခဲ့လို့ပါ။ ကျွန်မတို့အဖွဲ့မှာ လေးယောက်သာ Basic တက်ပြီးသူတွေဖြစ်ပါတယ်။ ဆရာမတွေက စက်ခန်းဝင်ရင် စာရိုက်တာမြန်အောင် Typing ကျင့်ခိုင်းပါတယ်။ Power ခလုတ်တွေ ဘာတွေမှန်းလည်းမသိတော့ ဖွင့်ထားတဲ့ စက်မှာဝင်ထိုင်ပြီး Typing ရိုက်ဖို့ Keyboard ပေါ်တင်လိုက်ပါတယ်။ Computer ကို တခါမှ မကိုင်ဖူးတဲ့အတွက် လက်တွေတုန်နေပါတယ်။Basic တက်ထားတဲ့ ကျွန်မတို့ အဖွဲ့ထဲက သူငယ်ချင်းတွေက ရယ်ကျဲကျဲလုပ်နေကြပါတယ်။ ဒါနဲ့ ကျွန်မလည်း အပြင်သင်တန်းမှာ Basic တက်မယ်လို့ ဆုံးဖြတ်လိုက်ပါတယ်။ ကွန်ပျူတာကို ၀ါသနာမပါဘူးလို့ ဟစ်ကြွေးခဲ့တဲ့ ကျွန်မ Basic သင်တန်းကို တက်ရပါတယ်။ သူများထက် နောက်မကျချင်တဲ့ ဆန္ဒကြောင့်ပါ။

            ကျွန်မတို့တက်နေတဲ့ ပေါင်းကူးသင်တန်းကို GCCE လို့ခေါ်ပါတယ်။ GCCE ဆိုတာ General Certicificate of Computer Education ပါ။ GCCE ကို တက်တဲ့သူတွေ အများကြီးပါ။ နယ်ကလာတဲ့ သူတွေကလည်း များပါတယ်။ကျွန်မတို့ကတော့ မုံရွာမြို့ကပဲဆိုတော့ အခက်အခဲသိပ်မရှိပါဘူး။ အဆောင်အတွက်လည်း ပူစရာမလိုပါဘူး။ GCCE ကို ၂၁ နှစ်နဲ့ ၂၁နှစ်အောက် လျှောက်လို့ရတဲ့အတွက် ကျွန်မတို့ထက် အသက်ကြီးသူတွေနဲ့လည်း မိတ်ဆွေဖြစ်ရပါတယ်။ GCCE ဆိုတာ ကွန်ပျူတာကို တိုက်ရိုက်တက်ခွင့်မမီတဲ့သူတွေရဲ့ ပေါင်းကူးတံတားပါ။ GCCE ကို လူများလို့ Section A,B,C ခွဲထားပါတယ်။ ဆရာမတွေလည်း အားမငယ်ဖို့နဲ့ ကြိုးစားဖို့အမြဲပြောပါတယ်။

            GCCE မှာ ဘာသာရပ် ၅ခုသင်ရပါတယ်။ 101,102,103,104,105 တို့ပါ။ 101 ကတော့ English , 102 က ICS, 103 က Easic ,104 က Maths, 105 က Application ပါ။ဆရာမတွေရဲ့ ဂရုတစိုက်နဲ့ အသင်အပြကောင်းမှုကြောင့် ကွန်ပျူတာကို စိတ်ဝင်စားလာပါတယ်။ ပထမနှစ် တက်ခွင့်ရအောင် ကြိုးစားမယ်လို့လည်း ဆုံးဖြတ်ခဲ့ပါတယ်။ GCCE တက်ပြီး နှစ်လလောက်ကြာတော့ ကျွန်မတို့အဖွဲ့ ငါးယောက်ပဲ ရှိပါတော့တယ်။ အဖွဲ့ထဲက တစ်ယောက်က ပထမနှစ်ကွန်ပျူတာကို တက်ခွင့်ရပါတယ်။ နောက်တစ်ယောက်ကတော့ ဆေးဝါးကျွမ်းကျင် တက်ဖို့ မန္တလေးသွားပါတယ်။ နောက်တစ်ယောက်ကတော့ မတက်ချင်လို့ ထွက်သွားပါတယ်။ ငါးယောက်ပဲကျန်တော့တဲ့ ကျွန်မတို့ အဖွဲ့ ရည်မှန်းချက် နဲ့ ကြိုးစားခဲ့ရပါတယ်။ First Term ကို ငါးယောက်လုံး ကောင်းကောင်းဖြေနိုင်ပါတယ်။ First Term နောက်ပိုင်းမှာ ကျွန်မတို့အဖွဲ့ထဲကို ကောင်မလေးသုံးယောက်နဲ့ ကောင်လေး လေးယောက်ဝင်လာပါတယ်။

            First Term ဖြေပြီး နှစ်ပတ်ပိတ်ပါတယ်။ အဲဒီအတွင်းမှာ ၁၀တန်းလျှောက်လွှာတင်ထားထဲ့အတွက် GTC တက်ဖို့ လိုင်းကျလာပါတယ်။ ကျွန်မဆုံးဖြတ်ရခက်နေပါတယ်။ GTC ကိုလည်း ၀ါသနာပါတယ်။ ကွန်ပျူတာကိုလည်း ၀ါသနာပါတယ်။ ဒီလိုနဲ့ GTC ကို တစ်နှစ်ရပ်နားခွင့်တင်ပြီး GCCE ကိုပဲ ဆက်တက်ခဲ့ ပါတယ်။ GCCE ကနေ ပေါင်းကူးတက်ခွင့်မရရင် တစ်နှစ်နောက်ကျမှာဆိုတဲ့ အသိက ကျွန်မကို ကြိုးစားဖို့ အားဖြစ်စေခဲ့တယ်။ ဒီတော့စာကို မှန်မှန်ကျက်ဖြစ်တာပေါ့။ ကျွန်မတို့အဖွဲ့ဟာ Second Term ကို ဖြေနိုင်ဖို့ ကြိုးစားရပါတယ်။ Second Term ဟာ ကျွန်မတို့ဘ၀အတွက် အဆုံးအဖြတ်ပေးနိုင်ပါတယ်။ Second Term ဖြေဖို့ Private Study မပေးခင် တစ်ပတ်မှာ ဆရာကန်တော့ပွဲ လုပ်ပါတယ်။ ဆရာမကြီးရဲ့ ဆုံးမစကားတွေကို ကြားနာပြီးတဲ့နောက်မှာ ကျွန်မတို့ အတန်းရဲ့ EC တစ်ယောက်က စကားထပြောပါတယ်။ EC စကားတွေဟာ ရင်ကို ထိပါတယ်။ ဆရာကန်တော့ပွဲမှာ ကျောင်းသား၊ကျောင်းသူတွေကို မုန့်လုံးရေပေါ်ကျွေးပါတယ်။ EC ပြောတာကတော့ ‘’မုန့်လုံးဆိုတာ မကျက်ခင် ရေအောက်မှာ နေရတာ။ ကျက်တော့ ပလုံ ပလုံ ဆိုပြီး ရေပေါ် မှာ ပေါ်လာတာပါ။ ဒီလိုပါပဲ ကျွန်တော်တို့ GCCE တွေဟာလည်း မုန့်လုံးတွေပါပဲ။ နောက်မှ ရေပေါ်မှာ ပေါ်လာ  ပါလိမ့်မယ်။ ကျွန်တော်တို့က မုန့်လုံးကို ရည်ရွယ်ချက်နဲ့ ကျွေးတာပါ။ ‘’ တဲ့။ EC စကားလည်းဆုံးရော တခန်းလုံး ၀ါးခနဲ ရယ်ကြပါတယ်။ ဆရာမတွေကိုတော့ ဒံပေါက်ကျွေးပြီး ကန်တော့တောင်းပန်ကြပါတယ်။ သီချင်းပြိုင်ပွဲလည်း လုပ်ပါသေးတယ်။ ကျွန်မတို့ကတော့ ပွဲကြည့် ပရိသတ်ပါပဲ။ သီချင်းဆိုသူတွေကလည်း အသံကောင်းပါတယ်။ ဆရာမတွေကိုလည်း သင်္ကြန်သီချင်းနဲ့ ကခိုင်းပါတယ်။ ဆရာမတွေလည်း စိတ်မဆိုးဘဲ ကျွန်မတို့ရဲ့ ဆန္ဒကိုဖြည့်ပေးပါတယ်။ ဆရာကန်တော့ပွဲကတော့ ပျော်ပျော်ရွှင်ရွှင်နဲ့ ပြီးဆုံးခဲ့ပါပြီ။

            Private Study ပေးထားတဲ့ တစ်ပတ်အတွင်းမှာ စာကိုကျေညက်အောင် ပြန်နွှေးပါတယ်။ Second Term  ကို လည်း ကောင်းကောင်းဖြေနိုင်ခဲ့ပါတယ်။ ကျောင်းပိတ်နေတုန်းမှာ သူငယ်ချင်းတချို့ကတော့ Eco တက်ကြပါတယ်။ သူတို့က ရပ်နားတင်စရာမလိုဘဲ GCCE Second Term ပြီးတာနဲ့ Eco တက်ရတာ အံကိုက်ပါပဲ။ ကျွန်မကတော့ GTC ကို ရပ်နားတင်ထားရတယ်ဆိုတော့ အားနေပါတယ်။ ကျောင်းပိတ်လို့ သုံးလကျော် လေးလနီးပါးထိ အောင်စာရင်း မထွက်သေးပါဘူး။ ကျွန်မမှာ စိတ်ပူလိုက်ရတာ။ ဒါပေမယ့် နိုဝင်ဘာ ၂၆ ရက်နေ့ကတော့ ဗြုန်းဗြုန်းဒိုင်းဒိုင်းနဲ့ အောင်စာရင်းထွက်ခဲ့တယ်။ ကျွန်မတို့အဖွဲ့ အကုန်လုံး ပါပါတယ်။ လူတစ်ရာကျော်မှာ ဂုဏ်ထူးသုံးယောက်ပဲ ထွက်ပါတယ်။ နှစ်ဘာသာ တစ်ယောက်နဲ့ တစ်ဘာသာ နှစ်ယောက်ပါ။ ကျွန်မတို့ အဖွဲ့က နှစ်ယောက်က ဂုဏ်ထူးပါပါတယ်။ ကျွန်မရယ်၊ ကောင်မလေးတစ်ယောက် ရယ်ပါ။ ကျွန်မက 102 နဲ့ 104 ထွက်ပြီး ကျန်နှစ်ယောက်ကတော့ 104 ထွက်ပါတယ်။ ကျွန်မမှာ ၀မ်းသာလိုက်ရ တာ။ ကျောင်းတော်ကြီးမှာ ပထမနှစ်အနေနဲ့ တက်ရမှာမို့ ဂုဏ်ယူမိပါတယ်။ ရည်မှန်းချက်အိပ်မက်တွေဟာ တကယ်ဖြစ်လာပါပြီ။ ဘ၀ရည်မှန်းချက်နဲ့ ကြိုးစားရင် အောင်မြင်နိုင်တယ်ဆိုတာ လက်တွေ့ပါပဲ၊ ဒါ့ကြောင့် အားလုံးကို ကြိုးစားစေချင်ပါတယ်။

PS မုံရွာ ကွန်ပျူတာကောလိပ် GCCE မှာ တက်ခဲ့ရသော နေ့ရက်များကို အောက်မေ့သတိရလျက်ပါ။

No(6), March , 2003 Teen Magazine ရေးကြည့်ပါ ကဏ္ဍတွင် ပါဝင်ခဲ့သော စာရေးသူ၏ ပထမဆုံး စာမူဖြစ်သည်။

ပိုင်ဆိုင်ခွင့်

လူတချို့

နာမည်ကြီးတံဆိပ်ပါတဲ့ ဖိနပ်တွေ

ထည်လဲစီးနေကြချိန်

လူတချို့

ရာဘာဖိနပ်တစ်ရန်အတွက်

အသေအလဲ ကြိုးပမ်းနေရတယ်…..

လူတချို့

Donut ဆိုင်မှာ အပူအပင်ကင်းစွာ

ထိုင်နေကြချိန်

လူတချို့

ထမင်းတစ်နပ်အတွက်

အနိုင်နိုင် အားခဲထားရတယ်….

လူတချို့

အကြီးစား ခြင်္သေ့ရွက်တွေ

ဖောဖောသီသီ သုံးနေကြချိန်

လူတချို့

ရှိစုမဲ့စု အသေးစားငွေစက္ကူတစ်ရွက်ကို

မလေလွင့်အောင် ထိန်းသိမ်းနေရတယ်….

လူတချို့

မာနတွေနဲ့ မော်ကြွားနေချိန်

လူတချို့

ဖြစ်တည်မှု တစ်ခုအတွက်

ယဲ့ယဲ့ကျန်တော့တဲ့

သိက္ခာတွေကို ချ ချ နင်းနေရတယ်….

ဒါပေမဲ့

ဘယ်သူတွေ ဘယ်လိုပဲ

တည်မြဲခဲ့ တည်မြဲခဲ့

ဘယ်သူတွေ ဘယ်လိုပဲ

ပျက်သုဉ်းခဲ့ ပျက်သုဉ်းခဲ့

ဘယ်သူတွေ ဘာတွေပဲ

ပိုင်ဆိုင်ခဲ့ ပိုင်ဆိုင်ခဲ့

ဘယ်သူတွေ ဘာတွေပဲ

ဆုံးရှုံးခဲ့ ဆုံးရှုံးခဲ့

နောက်ဆုံး

လူတစ်ယောက် ပိုင်ဆိုင်ခွင့် ရှိတဲ့အရာက

ကမ္ဘာမှာ မြေတစ်နေရာစာပဲ ရှိပါတယ်။      ။

မှတ်ချက်။          ။ကျောင်းတုန်းက ထုတ်ဖူးတဲ့ ကဗျာစာအုပ်ထဲက စာရေးသူရဲ့ ကဗျာလေးပါ။ အခုတော့လဲ ခြင်္သေ့ မဟုတ်တော့ဘဲ ဆင်ဖြစ်နေပါပြီ။

ကာရန်မဲ့ အလွမ်း

သူငယ်ချင်း

            ချန်ရစ်သူနဲ့ ကျန်ရစ်သူ

            ဘယ်သူပိုလွမ်းမယ်လို့ မင်းထင်လဲ။

အရာရာ မတည်မြဲတဲ့ လောကကြီးမှာ

မင်းကို လွမ်းတဲ့ ငါ့စိတ်တွေ

ဘာကြောင့်များ တည်မြဲနေရတာလဲ

ငါတို့ အတူ လျှောက်ခဲ့ဖူးတဲ့ မြေနီလမ်း

ငါတို့အတူ ထိုင်ခဲ့ဖူးတဲ့ နေရာဟောင်းလေး

ကုန်ကုန်ပြောမယ်ကွာ….

လေအပင့်မှာ ကြွေလွင့်တဲ့ ရော်ရွက်ဝါတွေ အစ

ပြာလဲ့လဲ့ မိုးကောင်းကင်ကြီးအဆုံး

အဲဒီ…အဲဒီ မင်းအငွေ့အသက်တွေရှိတဲ့

ပတ်ဝန်းကျင်မှာ

စီးမြောခဲ့တာ နှစ်အတော်ကြာခဲ့ပြီ…

တကယ်ဆို

ငါမျှော်နေမိတာက

ငါ့နောက်က ရောက်လာမယ့်

ခြေသံခပ်ဖွဖွလေးရယ်

ငါ့မျက်ဝန်းကို လာအုပ်မိုးမယ့်

လက်အစုံရယ်ပါ…

သူငယ်ချင်း

ခုတော့ ငါသိပြီ

ချန်ရစ်သူနဲ့ ကျန်ရစ်သူ

ကျန်ရစ်သူက ပိုလွမ်းတတ်သတဲ့။    ။

မှတ်ချက်။ ကွန်ပျူတာကျောင်းတက်တုန်းက ထုတ်ခဲ့ဖူးတဲ့ ကဗျာစာအုပ်ထဲက စာရေးသူရေးခဲ့ဖူးတဲ့ ကဗျာလေးပါ။ အဲဒီကဗျာစာအုပ်က တော်တော်လေးတော့ အောင်မြင်ခဲ့ပါတယ်။ 

လူငယ်

မာနတွေ ခွာမချနိုင်ဘူး
ယုံကြည်မှုတွေနဲ့

အောင်မြင်မှုဆီ လှမ်းလို့

ပုံစံခွက်ထဲ အံဝင်ခွင်မကျတဲ့သူ။

မိုက်ရူးရဲ ဆန်ချင်ဆန်မယ်

လောကကို

အဖြူထည်နှလုံးသားနဲ့

အလှဆင်တဲ့သူ။

ချုပ်ခြယ်မှုကို တော်လှန်

လွတ်လပ်မှုကို

ဖက်တွယ်ပြီး

စည်းမပျက်တဲ့သူ။

သစ္စာတရားကို ကိုးကွယ်

ရိုးသားမှုကို မြတ်နိုး

မှန်တယ်ထင်ရာ

ရဲရင့်စွာ တင်ပြ၀ံ့သူ။

ဆရာ ကောင်းသန့်  ထုတ်ဝေတဲ့ Youth Magazine မှာ ကသစ်(မုံရွာ)ဆိုတဲ့ ကလောင်နာမည် နဲ့ ပါခဲ့ဖူးပါတယ်။

နှစ်ကိုယ့်တစ်စိတ် ဘ၀

ကျွန်တော် ဆိုရိုးစကားတစ်ခု ကြားဖူးပါတယ်။ ”မိဘတွေ သူတို့ရဲ့ကလေးတွေက်ို ပေးနိုင်တဲ့ အကောင်းဆုံး လက်ဆောင်တွေက တစ်ယောက်ကိုတစ်ယောက် အပြန်အလှန်ချစ်ဖို့ပါ”။

အသက်လေးဆယ်ကျော်အထိ ဒီစာသားရဲ့ အမှန်တရားကို ကိုယ်တွေ့ကြုံရတဲ့အတွက် ကြည်နူးမိတယ်။ကျွန်တော်မှတ်မိသလောက်ပြန်စဉ်းစားကြည့်တော့ အဖေနဲ့အမေဟာ တစ်လှေတည်းစီး တစ်ခရီးတည်းသွားတဲ့ သူတွေပါ။ အကျိုးတူပူးပေါင်းမှုတစ်ခု။ သူတို့ဟာအကျိုးတူပူးပေါင်းမှုထက်လည်း ပိုပါတယ်။ သူတို့ဟာ တစ်သွေးတည်း တစ်သားတည်းလိုပါပဲ။

 သေချာတာက သူတို့ငြင်းခုံကြတယ်။ ဒါပေမယ့် ဘယ်သဘောထားကွဲလွဲမှုမျိူးမဆို ဖြစ်လာရင် ဖြေရှင်းနိုင်ခဲ့မှန်း ကျွန်တော်တို့စိတ်ထဲမှာအကြွင်းမရှိယုံတယ်။ အမေနဲ့အဖေဟာ သူတို့ရဲ့ လက်ထပ်ပြီးဘ၀ကို ချို့ချို့ငဲ့ငဲ့ စတင်ခဲ့ပေမဲ့ သူတို့ အလုပ်ကြိုးစားခဲ့တယ်။ နှစ်များစွာကြာတော့ အလွန်အောင်မြင်တဲ့ စီးပွားရေးလုပ်ငန်းတစ်ခု ထူထောင်ခဲ့တယ်။ သူတို့တစ်ယောက်ချင်းစီမှာ သူတို့ရဲ့ အားသာချက် အားနည်းချက်တွေ ရှိပါတယ်။ ဒါပေမဲ့ သူတို့အလုပ်တူတူလုပ်ခဲ့တဲ့ တစ်လျှောက်မှာ အားနည်းချက်တွေ့ အားသာချက်တွေကို ခင်ဗျားတို့တွေရမှာ မဟုတ်ဘူး။

အဖေက သူနဲ့ တွေ့ဆုံခင်မင်တဲ့ ပုဂ္ဂိုလ်တွေကို မှန်မှန်ကန်ကန် ဆက်ဆံတတ်တဲ့ ဖော်ရွေပြီး လူသိပိုများတဲ့ လူတစ်ယောက်ပါ။ လူတိုင်းက အဖေ့ကိုသိကြတယ်။ နောက် သူတို့က အမေ့ကို လာတွေ့ကြတဲ့အခါ အမေနဲ့ ပက်သက်ပြီးတော့လည်း အကျင့်စရိုက် အတူတူပဲလို့ ခံစားမိကြတယ်။ လုံးဝမရှက်တက်ပေမဲ့ အမေဟာ နောက်ကွယ်ကနေ နေရတာကိုပဲ ပိုစိတ်ချမ်းသာတယ်။ အသေးစိတ်ကို ပိုအလေးထားပြီး ငွေစာရင်းကိုပဲ စီမံကွပ်ကဲပါတယ်။အဖေ့အပြောအရ အမေဟာ စီးပွားရေးလုပ်ငန်းကို တကယ်လုပ်တဲ့သူတစ်ယောက်ပါ။

ကျွန်တော့် အမေနဲ့ အဖေ ကျွန်တော်တို့ ကလေးတွေကို သင်ပြပေးခဲ့တဲ့ ချစ်ခြင်း လက်ထပ်ခြင်းနဲ့ ပက်သက်တဲ့ အကြီးမားဆုံး သင်ခန်းစာကတော့ ခင်ဗျားတို့ရဲ့ အိမ်ထောင်ဖက်နဲ့ပက်သက်ပြီး ဘယ်လိုပြောရမလဲ ဆိုတာပါ။ အိမ်ထောင်သည် ယောက်ျားနဲ့မိန်းမတွေဟာ တစ်ခြားသူတွေကို စကားပြောတဲ့အခါ သူတို့ရဲ့ အိမ်ထောင်ဖက်နဲပတ်သက်ပြီး မညှာမတာ ဝေဖန်တာမျိုး ခင်ဗျားတို့ ကြားဖူကြလား။ ဒါဟာလူတွေလုပ်ပုံရတဲ့ အရာတွေထဲကတစ်ခုပါ။ သေချာတာက သူတို့ကျီစားတာ သက်သက်ဖြစ်မယ်။ဒါမှ မဟုတ် ကျီစားတာ မဟုတ်တာလည်းဖြစ်နိုင်တယ်။ ဒါပေမဲ့ အပြောက အရေးကြီးတယ်။ ပြီးတော့ အပြုသဘောလား အပျက်သဘောလားဆိုတာ အပြောကပဲသက်သေပြနိုင်တယ်။

ကျွန်တော့်အမေနဲ့ အဖေဆီက အဲဒီလို အကြောင်းအရာမျိုး ခင်ဗျားတို့ ဘယ်တော့မှ ကြားရမှာ မဟုတ်ဘူး။အဖေက အမေ့ကို အမြဲတမ်း ချီးကျူးစကားနဲ့ ရွှန်းရွှန်းဝေအောင်ပြောပါတယ်။ အမေကလည်း အဖေ့အပေါ် အဲဒီအတိုင်းပါပဲ။

ဒီသင်ခန်းစာက ကျွန်တော့်ကိုခံစားမှုတစ်မျိုးပေးတယ်။ ကျွန်တော် တစ်ဆယ့်နှစ်နှစ်သားတုန်းက ကျွန်တော်တို့ အိမ်မှာ ကော်ဇောခင်းတာကို မှတ်မိနေတုန်းပါပဲ။ ပိုင်ရှင်သူဌေးကတော့ အသက်ကြီးကြီး ညားခါစဇနီးမောင်နှံ တီဗွီအစီအစဉ်က ရက်ခရမ်ဒန်ရဲ့ရက်ကွန်လော့ကို ပိုင်ဆိုင်တာဖြစ်နိုင်ချေရှိတဲ့ ဘီယာအငမ်းမရသောက်ပြီး ဆင်းဆင်းရဲရဲအသက်မွေးရတဲ့ လူတွေထဲ့က တစ်ယောက်ပါ။ နေ့လည်စာအတွက် ကျွန်တော့်မိသားစုက သူ့အတွက်ပီဇာဝယ်ပေးတယ်။ အဖေက အလုပ်နဲ့ ပတ်သက်ပြီး အလုပ်ရှင်နဲ့ စကားပြောဖို့သွားတယ်။ အဲဒီနား တစ်ဝိုက်မှာ ကျွန်တော်နားထောင်နေပါတယ်။

လုပ်ငန်းပိုင်ရှင်က ပြောတယ်။”ဒါက အကုန်အကျများတဲ့အလုပ်ပဲ။ မိန်းမတွေဟာ ခင်ဗျားရဲ့ ပိုက်ဆံကို တကယ်သုံးကြတယ်။ ဟုတ်တယ်မဟုတ်လား။” အဖေက ခွန်းတုံ့ပြန်တယ်။ “ဟုတ်ပါပြီ။ ကျွန်တော် ခင်ဗျားကိုပြောမယ်။ ခင်ဗျား ပိုက်ဆံမရှိခင်မှာ သူတို့ဟာ ခင်ဗျားနဲ့ ကျေကျေနပ်နပ်ရှိနေသေးတယ်။ ခင်ဗျားတတ်နိုင်သလောက်သူတို့အတွက် တစ်ခုခုလုပ်ပေးတာက ၀မ်းမြောက်စရာပါပဲ။”

ဒါဟာ ကော်ဇောခင်းပေးတဲ့သူကြားဖို့ မျှော်လင့်ထားမှာ မဟုတ်တဲ့အဖြေပါ။ သူ့အတွက်သာမန်ဖြစ်တဲ့ ဇနီးမယားတွေနဲ့ပက်သက်ပြီး အပျက်သဘောဆောင်တဲ့ ကျီစားမှုကို သူက မျှော်လင့်နေတယ်။ သူကထပ်ကြိုးစားတယ်။”ဒါပေမဲ့ သူတို့ကဒါကို စောဒကတက်ပြီး သူတို့တတ်နိုင်တာ အားလုံးသုံးပစ်လိမ့်မယ်။ ဟုတ်တယ် မဟုတ်လား”။ အဖေက ပြန်ဖြေတယ်။ ကျွန်တော်သိတဲ့အတိုင်းအဖေက “ဟေး သူတို့က ခင်ဗျားအောင်မြင်လာတဲ့ အကြောင်းပြချက်ဖြစ်တဲ့အခါ  သူတို့နှစ်သက်တဲ့အရာတွေကို သူတို့ကို ခင်ဗျား လုပ်စေချင်တယ်။ ပိုကောင်းတဲ့ကြည်နူးမှုမရှိဘူး” နှစ်ယောက်သားငြင်းခုံကြတယ်။

ပိုင်ရှင်ဖြစ်သူက နောက်တစ်ကြိမ်ထပ်ကြိုးစားတယ်။ “သူတို့တက်နိုင်တဲ့အထိတော့ သူတို့ယူကြလိမ့်မယ်မဟုတ်လား”။အဖေက တုန့်ပြန်တယ်။”သူမက ကျွန်တော် တွေ့ကြုံခဲ့ရသမျှထဲက အကောင်းဆုံးအရာပါ။ သူမပျော်ဖို့ဆိုရင် ဘာလုပ်ရလုပ်ရပါ။”

ကျွန်တော် မရယ်မိအောင်ချုပ်တည်းထားရတယ်။ ကျွန်တော်သိတယ်။ သူက အဖေ့ကို နည်းနည်းလောက် အလျော့ပေးစေချင်တယ်။ပြီးတော့ သူကပြောတယ်။ ”ဟုတ်ပါတယ်။ ဒါမှန်တယ်လို့ ထင်မိပါတယ်။” ဒါပေမဲ့ ဒါက နှစ်ပေါင်းများစွာမှာ ရှာမှရှားပါပဲ ။

နောက်ဆုံမှာ ကော်ဇောခင်းတဲ့သူက အရှုံးပေးပြီး စိတ်ရှုတ်ထွေးစွာ သူ့ခေါင်းကိုခါရင်း အလုပ်လုပ်ဖို့ ပြန်သွားတယ်။ ထိုတဒင်္ဂမှာ အဖေ့ရဲ့အဖြစ်အပျက်ကို ကိုယ်တွေ့ကြံခြင်းက ထိုအကြောင်းကိစ္စနဲ့ ပက်သက်ပြီး ဖေဖေ ကျွန်တော့်ကို ပြောပြနိုင်တာတွေထက် ကိုယ့်ဇနီးမယားကို ချစ်ခင်ပြီး လေးစားမှု ရှိရမယ်ဆို တဲ့အကြောင်း ကျွန်တော့်ကို သင်ကြားပေးခဲ့ပါတယ်။

အမေနဲ့အဖေဟာ အခု အလုပ်ကအနားယူပြီး သူတို့ဘ၀ကို အတူတူကြည်နူးနေကြတယ်။ အချိန်ဖြုန်းကြတယ်။ စာဖတ်ကြတယ်။ သူတို့သားသမီး မြေးမြစ်တွေဆီ သွားလည်ကြတယ်။ အကြာသေးခင်က သူတို့ရဲ့ (၄၃)နှစ်မြောက် အိမ်ထောင်သက်နှစ်ပတ်လည်နေ့ကို ကျင်းပခဲ့ကြတယ်။

သူတို့လက်တွေကို အခုထိ ဆုပ်ကိုင်ထားကြတုန်းပါ။ အရင်ကထက် ပိုချစ်လာကြတယ်။ အချိန်တွေကုန်လွန်လာတော့ အမေက ကျွန်တော် အိမ်ထောင်ပြုသင့်ပြီနေပြီဖြစ်ကြောင်း သတိပေးတဲ့အခါတိုင်း ကျွန်တော်ကပြောတယ် ။ “အမေ သားမှာ အချိန်တွေ အများကြီးရှိပါသေးတယ်” သူမက ကျွန်တော့်မှာ အဲဒီအတွက် အချိန်အများကြီးမရှိကြောင်း ရယ်စရာပြောတယ်။ အဲဒီနောက် အဖေက ကျွန်တော့်ကို တွေးတွေးဆဆကြည့်လိုက်တယ်။ ပြီးတော့မြို့မှာကြီးပြင်းလာတဲ့လူတစ်ယောက်လေသံနဲ့ ပြောလိုက်တယ်။ “ဟေ့း့  မင်းလိုသလောက် အချိန်ယူလို့ရတယ်။ မင်းအမေရဲ့ တစ်ဝက်လောက်ကောင်းတဲ့ အမျိုးသမီးကို မင်းလက်ထပ်ခဲ့ရမယ်ဆိုရင်တောင် မင်းဘ၀က ပျော်စရာကောင်းမှာပါ။”

ကျွန်တော် အရမ်းကံကောင်းပါရဲ့။

မှတ်ချက်။            ။No 148, October 2011 The Best English Magazine တွင်ဖော်ပြခံရသော ဘာသာပြန်စာမူဖြစ်သည်။