အိုးကွဲလေး

အိန္ဒိယပြည်က ရေထမ်းသမားတစ်ယောက်ဆီမှာ အိုးကြီး၂လုံးရှိတယ်။ အိုးနှစ်လုံးဟာ သူ့ပုခုံးထက် ထမ်းထားတဲ့ ထမ်းပိုးရဲ့ တစ်ဘက်တစ်ချက်စီမှာ ရှိတယ်။ အိုးနှစ်လုံးအနက် တစ်လုံးမှာ အက်ရာတစ်ခု ရှိတယ်။ တစ်ခြားတစ်လုံးကတော့ အနာအဆာကင်းမဲ့ပြီး စမ်းချောင်းကနေ အလုပ်ရှင်အိမ်သွားတဲ့ လမ်းခရီးဝေးအဆုံးထိ ရေအပြည့်အမြဲ သယ်လာနိုင်တယ်။ အိုးကွဲလေးကတော့ ရေတဝက်နဲ့သာရောက်လာတယ်။
အထမ်းသမားဟာ သူ့အလုပ်ရှင်ရဲ့အိမ်ဆီ ရေတစ်အိုးနဲ့ တစ်ဝက်သာရေပါတဲ့ အိုးနှစ်လုံးနဲ့သာ နေ့စဉ်ရက်ဆက် ရေအပြည့်သယ်ပေးခဲ့တာ ၂နှစ်လုံးလုံးပါဘဲ။ အနာအဆာကင်းတဲ့အိုးက သူ့ရဲ့အောင်မြင်မှု၊ အဆုံထိပြီးပြည့်စုံအောင် လုပ်ဆောင်နိုင်မှုတွေကြောင့် ဝံ့ကြွားနေတယ်။ ဒါပေမဲ့ သနားစရာ အိုးလေးကတော့ သူ့ရဲ့မပြည့်စုံမှု ကြောင့် စိတ်မချမ်းမသာဖြစ်မှုတွေနဲ့ သိမ်ငယ်နေပါတယ်။ သူဟာ နာကြည်းဖွယ်ကောင်းတဲ့ ရှုံးနိမ့်မှုကို သတိမူမိတယ်။ ၂နှစ်ကြာတဲ့ နောင်တစ်နေ့ စမ်းချောင်းနံဘေးမှာ သူဟာ ရေထမ်းသမားကိုပြောတယ်။
“ကျွန်တော့်ကိုယ် ကျွန်တော် ရှက်မိပါတယ်၊ ကျွန်တော် ခင်ဗျားကို တောင်းပန်ချင်တယ်း“
“ဘာကြောင့်လဲ“ လို့ ရေထမ်းသမားကမေးတယ် “မင်းဘာကို ရှက်တာလဲ“
“အခု ၂နှစ်အတွင်းမှာ ကျွန်တော်ဟာ ရေတဝက်သာ သယ်ပေးနိုင်ပါတယ်။ ဘာကြောင့်လဲဆိုတော့ ကျွန်တော့ဘေးမျက်နှာပြင်က အက်ကွဲကြောင်းက ခင်ဗျားရဲ့ အလုပ်ရှင် အိမ်ပြန်တဲ့လမ်းတစ်လျှောက်လုံး ရေတွေယိုစိမ့်ကျနေလို့ပါ။ ကျွန်တော် ချို့ယွင်းချက်ကြောင့် ခင်ဗျားဟာ အဲဒိအလုပ်အားလုံးကို လုပ်ရပြီး ခင်ဗျားရဲ့လုံ့လကနေ တန်ဘိုးပြည့်ပြည့်ဝဝ ပြန်မရခဲ့ဘူး“ လို့ အိုးအက်လေးကပြောတယ်။ ရေထမ်းသမားဟာ အက်နေတဲ့အိုးကလေးအတွက် စိတ်မကောင်းဖြစ်သွားလေရဲ့။ သူက အကြင်နာမေတ္တာတရားထားကာ ပြောလိုက်တယ်။

“ငါတို့အလုပ်ရှင်အိမ်ပြန်တဲ့အခါ မင်းကိုလမ်းတစ်လျှောက်မှာရှိတဲ့ လှပတဲ့ ပန်းတွေကို သတိပြုမိစေချင်တယ်။“

သူတို့တောင်ကုန်းကိုတက်တဲ့အခါ အိုးကွဲလေးဟာ နေရောင်ခြည်ဟာ လမ်းဘေးမှာရှိတဲ့ ပန်းခင်းကြီးအပေါ် ဖြာကျနေတာကို သတိပြုမိတယ်။ အဲဒါဟာ သူ့ကိုပျော်ရွှင်အားတက်စေပါတယ်။ ဒါပေမဲ့ လမ်းအဆုံးရောက်တော့ လမ်းမှာ ရေတဝက်ဖိတ်ကျခဲ့တဲ့အတွက် ဝမ်းနည်နေတယ်။ သူ့ရဲ့အသုံးမကျမှုအတွက် ရေထမ်းသမားကို နောက်ထပ်တောင်းပန်လိုက်ပြန်တယ်။ ရေထမ်းသမားက အိုးလေးကို ပြောတယ်။

“လမ်းတစ်ဘက်မှာသာ ပန်းတွေရှိပြီး အခြားတစ်ဘက်မှာ ဘာမှမရှိဘူးဆိုတာ မင်းသတိထားခဲ့မိလား။ ဘာကြောင့်လဲဆိုတော့ ငါဟာ မင်းရဲ့ ချို့ယွင်းချက်တွေကို သိပြီးသားလေ။ အဲဒါကို ငါအကျိုးအမြတ်ယူခဲ့တယ်။ ငါဟာလမ်းတစ်ဘက်မှာ ပန်းမျိုးစေ့တွေကို စိုက်ခဲ့တယ်။ စမ်းချောင်းကနေ လမ်လျှောက်ပြန်တဲ့နေ့တိုင်း မင်းဟာသူတို့ကို ရေလောင်းပေးခဲ့တာပေါ့“

“၂နှစ်ကြာတဲ့တိုင်အောင် ငါဟာ ငါ့အလုပ်ရှင်စားပွဲမှာ အလှဆင်ဘို့ အဲဒီ လှပတဲ့ပန်းတွေကို ခူးခဲ့တယ်။ အပြန်လမ်းမှာ မင်းမရှိခဲ့ဘူးဆိုရင် သူဟာ သူ့အိမ်ကို အလှဆင်ဖို့ဒီလိုလှပမှုကို ရမှာမဟုတ်ဘူး။“

ကျွန်တော်တို့ အသီးသီးမှာ ကျွန်တော်တို့ကိုယ်ပိုင် တစ်မူထူးခြားတဲ့ ချို့ယွင်းချက်တွေ ရှိပါတယ်....ကျွန်တော်တို့အားလုံးဟာ အိုးကွဲတွေပါဘဲ....ဒါပေမဲ့ ကျွန်တော်တို့ဟာအဲဒါကို လက်ခံမယ်ဆိုရင် ဘုရားသခင်ဟာ သူ့အဖေရဲ့စားပွဲပေါ်မှာ အလှဆင်ဖို့ ကျွန်တော်တို့ရဲ့ ချို့ယွင်းချက်တွေကို အသုံးပြုပါလိမ့်မယ်.... ဘုရားသခင်ရဲ့ပြောင်မြောက်တဲ့ ချွေတာရေးမှာ ဘယ်အရာကိုမှ အလကားပစ်လိုက်ရတယ်ဆိုတာ မရှိပါဘူး....

Ref: Second Helping of Chicken Soup for the Soul

August 2004, The Best English Magazine

အနှိုင်းမဲ့ မေတ္တာ

“ကျွန်မရဲ့ ကလေးကို တွေ့လို့ရမလား။” လို့ ကြည်နူးနေတဲ့ မိခင်ဖြစ်ခါစသူက မေးလိုက်တယ်။ သူမ လက်ထဲ အထုပ်လေးကို ထည့်ပေးလိုက်တော့ သူ့ရဲ့ မျက်နှာလေးကို ကြည့်ဖို့ အ၀တ်ခေါက်ကို လှန်လိုက်တယ်။ သူမဟာ ပင့်သက်ရှိုက်လိုက်တယ်။ ဆရာဝန်ဟာ အလျင်အမြန် လှည့်လိုက်ပြီး ဆေးရုံပြတင်းပေါက် မြင့်မြင့်ကြီးရဲ့ အပြင်ဘက်ကို ကြည့်နေလိုက်တယ်။ ကလေးငယ်ဟာ နားရွက်တွေမပါဘဲ မွေးဖွားလာတယ်။ဒါပေမဲ့ ကံကောင်းထောက်မစွာနဲ့ ကလေးရဲ့ အကြားအာရုံဟာ ကောင်းမွန်နေတယ်။ အဲဒါဟာ သူ့ရဲ့ ရုပ်ရည်ကိုသာ အကျည်းတန်စေပါတယ်။

တစ်နေ့မှာ သူ ကျောင်းကနေ အိမ်ကို တစ်ဟုန်ထိုး ပြေးလာပြီး သူ့အမေရဲ့ ရင်ခွင်ထဲကို ပြေးဝင်သွားတယ်။ ၀မ်းနည်းပက်လက်ဖြစ်ခြင်းနဲ့ ကြေကွဲမှုတွေ ဆက်တိုက်ဖြစ်နေတော့မယ့် သူ့ဘ၀ကို သိနေလို့ သူမ သက်ပြင်းချမိတယ်။

သူ့မျက်ဝန်းတွေမှာလည်း မျက်ရည်စတွေနဲ့။ “ကောင်လေးတစ်ယောက်၊ခပ်ကြီးကြီးကောင်လေးတစ်ယောက်က သားကို        တိရစ္ဆာန်ကောင်လို့ ခေါ်တယ်။” လို့ သူက ငိုရှိုက်ပြီးပြောတယ်။

သူ အရွယ်ရောက်လာတယ်။ နားရွက်နှစ်ဖက်မပါတာကလွဲရင် ရုပ်ဖြောင့်တဲ့ ကောင်လေးတစ်ယောက်ဖြစ်တယ်။ သူဟာ သူ့အတန်းဖော်တွေရဲ့ အနှစ်သက်ဆုံးသူတစ်ယောက်ဖြစ်လာတယ်။ သူဟာ အတန်းခေါင်းဆောင်တစ်ယောက်တောင် ဖြစ်နိုင်ပါသေးတယ်။ ဒါပေမဲ့ သူ့ရဲ့ အကျည်းတန်လှတဲ့ နားရွက်တွေကြောင့် သူမဖြစ်ခဲ့ပါဘူး။ စာပေနဲ့ ဂီတအတွက် ပါရမီနဲ့ အစွမ်းအစတွေ ဖွံ့ဖြိုးတိုးတက်လာတယ်။ သူ့အမေက သူ့ကို “သားဟာ တခြားလူငယ်တွေနဲ့လည်း ပေါင်းသင့်တယ်။” လို့ အပြစ်တင်ပေမဲ့ သူမရဲ့ နှလုံးသားထဲမှာတော့ ကရုဏာသက်မိတယ်။

ကလေးရဲ့အဖေဟာ မိသားစုဆရာဝန်နဲ့ ဆွေးနွေးတိုင်ပင်ခဲ့တယ်။ သူ့သားရဲ့ နားတွေနဲ့ ပတ်သက်လို့ ဘာမှမလုပ်နိုင်တော့ဘူးလား။ တစ်စုံတစ်ယောက်က နားတွေကို လှူဖို့ အဆင်သင့် ရှိတယ်ဆိုရင် အပြင်ဘက် နားရွက်တစ်စုံကို တပ်ဆင်ပေးနိုင်လိမ့်မယ်လို့ ကျွန်တော်ယုံတယ်လို့ ဆရာဝန်က အကြံပေးတယ်။ထို့နောက် လူငယ်လေးအတွက် အနစ်နာခံမယ့် ပုဂ္ဂိုလ်တစ်ယောက်ကို စတင်ရှာဖွေခဲ့တယ်။

နှစ်နှစ်ကုန်လွန်ခဲ့ပြီးနောက် ဖခင်ဖြစ်သူက “သား ဆေးရုံကို သွားရလိမ့်မယ်။ ဖေဖေနဲ့ မေမေတို့ သားလိုနေတဲ့ နားရွက်တွေကို လှူမယ့်သူကို တွေ့ထားပြီးပြီ။ ဒါပေမဲ့ ဒါဟာ လျှို့ဝှက်ချက်တစ်ခုပဲ။” လို့ပြောတယ်။

ခွဲစိတ်မှုဟာ အရမ်းအောင်မြင်ပြီး လူသစ်တစ်ယောက်လိုဖြစ်သွားတယ်။ သူ့အထုံပါရမီဟာ ထူးချွန်ထက်မြက်သူအဖြစ် သီးပွင့်လာတယ်။ ကျောင်းနဲ့ ကောလိပ်မှာ အောင်ပွဲတွေ အခါခါရခဲ့တယ်။ နောက်တော့ သူဟာ လက်ထက်ပြီး သံတမန်ရေးရာဌာနမှာ အလုပ်ဝင်ခဲ့တယ်။ သူဟာ သူ့အဖေကို အတင်းမေးတယ်။ “သား သိရမှဖြစ်မယ်။ သားအတွက် ဘယ်သူက ဒီလောက်ပေးဆပ်ခဲ့တာလဲ။ သူ့အတွက် ကျေနပ်လောက်အောင် ဘယ်တော့မှ သားလုပ်နိုင်မှာ မဟုတ်ဘူး။”

“သားမလုပ်နိုင်ဘူးဆိုတာ အဖေ မယုံဘူး။” လို့ ဖခင်ဖြစ်သူကပြောတယ်။ “ဒါပေမဲ့ သားကို ဒီနေ့ထိအသိပေးခွင့် မရှိဘူးဆိုတဲ့ သဘောတူညီချက်က ရှိနေတယ်။”

နှစ်တွေကြာအောင် သူတို့ရဲ့ နက်နဲသိမ်မွေ့တဲ့ လျှို့ဝှက်ချက်ို ထိန်းထားခဲ့တယ်။ ဒါပေမဲ့ နေ့တစ်နေ့တော့ ရောက်လာပြီ။ သားတစ်ယောက် ကြုံဖူးခဲ့တဲ့ အမှောင်ဆုံး ရက်တွေထဲက တစ်ရက်မှာပေါ့။ သူဟာ သူ့အမေရဲ့ အခေါင်းကို သူ့အဖေနဲ့ အတူ ရပ်ကြည့်ခဲ့တယ်။ အဖေဖြစ်သူဟာ လက်တစ်ဖက်ကို ညင်ညင်သာသာ သိမ်သိမ်မွေ့မွေ့ ဆန့်ထုတ်လိုက်ပြီး အမေ့နားရွက်တွေမရှိတော့တာကို ပြဖို့ ထူထဲထဲ နီညိုရောင် ဆံပင်တွေကို ဖယ်လိုက်တယ်။

“ဆံပင်တွေ ဘယ်တော့မှ ညှပ်ခွင့်မရတာကို ၀မ်းသာတယ်လို့ မင်းအမေပြောခဲ့တယ်။”လို့ သူက သိမ်မွေ့စွာနဲ့ခပ်တိုးတိုး ပြောတယ်။ “ပြီးတော့ ဘယ်သူကမှလည်း မင်းအမေကို အလှလျော့သွားတယ်လို့တောင် တွေးမိမှာ မဟုတ်ဘူး။”

The Secret Ears by Joan Rivers

No(68),February,2005 The Best English Magazine

အချစ်စစ်ဆိုတာ

သူဟာ သင့်အတွေးထဲမှာ အမြဲရှိနေပြီး

သင့်ရဲ့ ရင်ခုန်သံစည်းချက်တိုင်းမှာ သူ့ကို ခံစားမိပြီး

မျက်စိမှိတ်ထားတဲ့ အချိန်တိုင်း သူ့ကို မြင်နေပြီး

အကြောင်းပြချက်မရှိဘဲ သူ့ကို လွမ်းဆွတ်နေတယ်ဆိုရင်….

ငြိမ်းအေးသော အချစ်(၂)

၂၀၁၁ တစ်နှစ်လုံး သူ့စိတ်တွေ လေနေခဲ့သည်။ မဟုတ်ဘူး။ သူ့စိတ်တွေလေနေခဲ့တာ ၂၀၁၁ တစ်နှစ်တည်းမှ မဟုတ်တာ။ သူ ဘွဲ့ရပြီးကတည်းကဆိုတော့ တွက်ကြည့်ရင် လေးငါးနှစ်တောင် ရှိပြီပဲ။ သူ့ရည်မှန်းချက်တွေ အလဲလဲအပြိုပြိုဖြစ်ပြီးကတည်းက သူ့နေ့ရက်တွေသည် အဓိပ္ပာယ်မဲ့လာခဲ့သည်။ သူရည်မှန်းထားသော ပညာရေးကို အပြီးတိုင် စွန့်လွှတ်လိုက်ရချိန်မှစ၍ မျှော်လင့်ချက်နှင့်သူ အသားမကျတော့ပေ။ သူ မျှော်လင့်ရမှာကို ကြောက်တတ်လာခဲ့သည်။ အတုအယောင် မိတ်ဆွေတွေကိုလည်း သူကြောက်သည်။ သူသည် ထိုအတိတ်က ဖြစ်ရပ်တွေကို မေ့ချင်လာသည်။ ထိုသို့ မေ့ပစ်ရန် သူအကောင်းဆုံးဖြေရှင်းခဲ့ခြင်းမှာ ဂိမ်းကစားခြင်းနှင့် အိပ်စက်ခြင်းဖြစ်သည်။ ည(၈)နာရီသည် သူ၏ အိပ်ရာဝင်ချိန်ဖြစ်သည်။ အိပ်နေလျှင် အရာအားလုံးကို ခဏတော့ မေ့ထားလို့ရသည်ဟု သူယူဆ၍ ဖြစ်သည်။ ထိုအယူအဆကပဲ သူ့ကို အရှက်ရစေခဲ့သည်။ တစ်ခါက သူမနှင့် ဖုန်းပြောပြီး အိပ်ရာဝင်တော့မည်ဟု သူပြောမိသွားသည်။ “အစောကြီးပဲ အိပ်တာလား။ အချိန်တွေ နှမြောစရာကောင်းလိုက်တာ။”ဟူသော သူမ၏စကားသည် သူ့အကြောင်းကို မသိ၍ ပြောခြင်းပဲဖြစ်ပြီး သူ့ခံစားချက်ကို သိသွားလျှင်တော့ သူ့အတွက် မှန်ကန်သော နည်းလမ်းတစ်ခု ရွေးချယ်ပေးမှာကို သူယုံကြည်သည်။ သူမက စာတွေကြိုးစားကြည့်ပြီး အလုပ်တွေ ကြိုးစားလုပ်နေချိန်မှာ သူကတော့ အိပ်နေခဲ့သည်။ လူငယ်တစ်ယောက်အနေနှင့် သူ အချိန်တွေ အလဟဿ ဖြုန်းတီးပစ်နေခြင်း မဟုတ်ပါ။ အိပ်နေလျှင် ပျော်ရွှင်ဖွယ်၊၀မ်းနည်းဖွယ် ခံစားချက်တွေကို မေ့ထား၍ ရခြင်းပဲဖြစ်သည်။ ဒဏ်ရာတစ်ခုအတွက် အကောင်းဆုံးမေ့ဆေးကို သူသုံးနေခြင်းသာ ဖြစ်သည်။ ထိုနေ့မှစ၍ သူမအပေါ် သူရှက်ရွံ့စိတ်မဖြစ်ချင်သဖြင့် အရမ်းပင်ပန်းလွန်းသည့်နေ့တွေမှလွဲလျှင် သူ စောစော အိပ်ရာမ၀င်ဖြစ်တော့ပေ။ သူ စာတွေပြန်ဖတ်သည်။ သူ့အချိန်တွေကို အကျိုးရှိရှိ ကုန်ဆုံးစေပါသည်။ ဒါတွေကို သူမ သိမည် မထင်ပါ။ သူမသည် သူ့အတွက်တော့ အားဆေးတစ်ခွက်ဖြစ်ပါသည်။

အကွာအဝေးကြောင့် အချစ်ဟာ ကျိူးလွယ်ပဲ့လွယ် ပျက်စီးလွယ်တယ်တဲ့။ သူ့သူငယ်ချင်းတစ်ယောက်ပြောဖူးသည့်စကားပါ။ ဒါဆို သူမနှင့် သူ့အကြားမှာ အကွာအဝေးမိုင်ပေါင်းများစွာ ခြားနားနေပါသည်။ ထိုအကွာအဝေးကြောင့်ပဲ အချစ်တစ်ခုကို မဖန်ဆင်းရတော့ဘူးလား။ မတည်ဆောက်ရသေးသော အချစ်တစ်ခုအတွက် အလှမ်းဝေးမှုက သူတို့ကြားမှာ တံတိုင်းသဖွယ်ဖြစ်နေသည်။ မတည်ဆောက်ရသေးခင်မှာ ပြိုလဲပျက်စီးသွားမှာကိုတော့ သူအဖြစ်မခံနိုင်ပါ။ အနည်းဆုံးတော့ သူ့ဆီမှာ ရှိသော သူ့ရဲ့ အချစ်တွေသည် ထိုတံတိုင်းကို ဖြိုဖျက်နိုင်ရမည်။  သူ့အတွက်ဖြစ်တည်လာမည့် သူမရဲ့အချစ်တွေကိုလဲ သူက ငံ့လင့်နေချင်သေးသည်။

သူ ဂရေဟမ်ဘဲလ်ကို ကျေးဇူးတင်ပါသည်။ ဂရေဟမ်ဘဲလ်ကြောင့် သူတို့ကြားက အကွာအဝေးသည် မြူတစ်မှုန်စာတောင် ခြားနားမနေတော့ပါ။ “ဟဲလို ကြားလား။ကြားလား။” ထိုစကားသည် သူတို့နှစ်ယောက် ဖုန်းပြောတိုင်း မမေ့မလျော့ ပြောရသော စကားဖြစ်သည်။ သူသည် သူမနှင့် ဖုန်းပြောလျှင် တိုးသက်ညင်သာစွာ ပြောချင်ပါသည်။ သူပြောသော စကားများသည် သူမနားထဲမှာ နားဝင်ချိုစေချင်သည်။ မြန်မာနိုင်ငံ၏ ဆက်သွယ်ရေးသည် သူ၏ ဆန္ဒကို မဖြည့်ဆည်းပါ။ အချိန်ပြည့်နီးပါး မအားတတ်သော သူမနှင့် ဖုန်းပြောခွင့်ရခြင်းသည် သူ့အတွက် မဟာ အခွင့်အရေးဖြစ်သည်။ ထိုအခိုက်အတန့်လေးမှာ သူမပြောသော စကားများကို ပြတ်သားစွာ ကြားချင်သည်။ သူ့အသံကိုလည်း ပြတ်သားစွာ ကြားစေချင်ပါသည်။ တစ်ခါတစ်လေ သူမသည် အရမ်းလည်ပါသည်။ သူ မကြားလိုက်ရသော စကားကို ပြန်မေးလျှင် “ဘာမှ မဟုတ်ဘူး။ တစ်ခါပဲပြောတတ်တယ်။” ဆိုပြီး ညစ်ကျယ်ကျယ်လုပ်တတ်ပါသည်။ ထိုမကြားလိုက်ရသော စကားအတွက် စိတ္တဇဖြစ်ရသူက သူပါ။ သူကလည်း “ချစ်တယ်။” လို့ ပြောလိုက်တာဖြစ်ရမည်ဟု ညစ်ကျယ်ကျယ်တွေးလိုက်ပါသည်။

သူမသည် သူ့ကို တော်တော်လွှမ်းမိုးပါသည်။ သူမစကားများ ၊ သူမ အီးမေးလ်များထဲက စာသားများသည် သူ့ကို အမြဲချည်နှောင်လေ့ရှိသည်။ သူတို့အလုပ်သည် Target ထားပြီး လုပ်ရသော အလုပ်ဖြစ်သည်။ စနစ်တခုမှတခု အပြောင်းမှာ သူတို့စာရင်းသမားတွေ Target မီအောင်မလုပ်နိုင်ခဲ့ပါ။ ဒါပေမယ့် သူကတော့ သူမဆီက အီးမေးလ်တွေကို ဖတ်ပြီး ပိုကြိုးစားရပါသည်။       “ You can finalize the report & send it on Friday. I’ll be happy.”  ထိုစာသားသည် သူ့ကို ထပ်မံရစ်ပတ်ပါ၏။ သူမ ပျော်ရွှင်ဖို့အတွက် သူသည် report ကို မြန်မြန်ထုတ်နိုင်အောင်ကြိုးစားရပါ၏။ သူမ သိမှာမဟုတ်ပေမယ့် သူကတော့ သူတစ်ယောက်တည်း သူမ ပျော်ရွှင်ဖို့ တိတ်တိတ်လေးကြိုးစားနေရသူသာ ဖြစ်၏။

သူထက် အသက်ငါးနှစ်ကြီးသော သူမသည် တစ်ခါတစ်ရံ သူ့အပေါ်ကလေးဆိုးဆိုးတတ်ပါသည်။ “ဒီလိုပဲ မက ဆိုးတတ်တယ်။ သည်းခံနိုင်ရင် သည်းခံ။” ဆိုသည့် စကားဖြင့် သူ့ကို ကလိတတ်ပါသည်။ သူကလည်း “ဘယ်နှယ့်ဗျာ… ကိုယ့်ထက် အသက်ငါးနှစ်လောက်ကြီးတဲ့သူကို ပြန်အလိုလိုက်နေရတယ်။” ဟု ပြန်စတတ်ပါသည်။ သူသည် သူ့ထက် ငါးနှစ်ကြီးသော ကလေးလေးတစ်ယောက် ကောက်ရထားပါသည်။ ထိုကလေးလေးသည် စာကြိုးစားပါသည်။ ထိုကလေးလေးသည် မနက်တိုင်း ခိုကလေးများကို အစာကျွေးတတ်ပါသည်။ ထိုကလေးလေးသည် ရေခဲမုန့်ကြိုက်ပါသည်။ ထိုကလေးလေးသည် ချောကလက်ကြိုက်ပါသည်။ ထိုကလေးလေးသည် အရုပ်များကို ချစ်တတ်ပါသည်။ သူကတော့ ရှေ့လျှောက် အရုပ်ဆိုင်နှင့် ချောကလက်ဆိုင်ဖွင့်ဖို့ ရည်ရွယ်ထားပါသည်။      

အချစ်ကြောင့် ဤကမ္ဘာမြေတွင်ရှိသော သက်ရှိသက်မဲ့ဟူသမျှသည် သူ့အတွက် ထာဝစဉ်လှပနေတော့သည်။ အချစ်တွင် အသက်အပိုင်းအခြားမရှိပါ။ အကွာအဝေးမိုင်တိုင်တွေ မရှိပါ။ အချစ်အတွက် အချစ်တစ်ခုရှိနေလျှင် အရာရာပြီးပြည့်စုံသည်သာ ဖြစ်သည်။

ငြိမ်းအေးသော အချစ် (၁)

သူသည် ဂဏန်းသချာင်္ထက် ဗျည်းအက္ခရာကို ပိုချစ်မြတ်နိုးသူဖြစ်သည်။ သူ အလုပ်ချင်ဆုံးက စာတွေဖတ်မည်။ စိတ်ခံစားမှု ပြင်းထန်လာသည့်အခါ စာတစ်ပုဒ်လောက်ရေးချင်ရေးဖြစ်မည်။ ဒါတွေသည် သူ့စိတ်ကူးယဉ်မှု သက်သက်သာဖြစ်သည်။ တကယ့်လက်တွေ့မှာတော့ သူ့အလုပ်ကစာရင်းကိုင်ပဲဖြစ်သည်။ မိုးလင်းက မိုးချုပ် သူ့ အချိန်တော်တော်များများကို ထိုဂဏန်းများက စိုးမိုးထားသည်။ အိပ်ချိန်လေးတော့ ထိုဂဏန်းများနှင့် သူ တစိမ်းဆန်ဆန်နေလို့ ရမည်ဟု မျှော်လင့်ခဲ့သည်။ မျှော်လင့်ချက်သည် မျှော်လင့်ချက်သာ ဖြစ်သည်။ တကယ်တမ်း ဖြစ်လာသည်က သူ့အိပ်မက်တွေထဲမှာ အရှုံးအမြတ်စာရင်းများ ၊ Stock Part No များက သူ့ကို ခြောက်လှန့်နေခဲ့သည်။ ထို့ကြောင့် အိပ်ချိန်များပြီး အိပ်ရေးမ၀ခဲ့ပါ။ သူ ထိုအလုပ်ကို ငြီးငွေ့လာခဲ့သည်။ ထိုအလုပ်က သူထွက်တော့မည်ဟု ဆုံးဖြတ်ချက်ချပြီးကာမှ သူမနဲ့ ဖုန်းပြောပြီးချိန်မှာ သူ့ဆုံးဖြတ်ချက်က ပြောင်းပြန်ဖြစ်သွားတော့သည်။ အဲဒီနေ့က သူမ အသံတွေသိပ်မကောင်းပါ။ သူမ နေမကောင်းပါ။ သူမ နေမကောင်းတာကို သိလိုက်ရတော့ သူ့ရင်တွေ နာကျင်လာသည်။ သူမကို စိုးရိမ်နေသည်ပဲ။ ညရောက်တော့ သူမဆီ နေကောင်းပြီလားလို့ မက်ဆေ့ခ်ျ ပို့လိုက်သည်။ သူမ သူ့ဖုန်းနံပါတ်ကို မသိပါ။ သူမ သူ့ဖုန်းနံပါတ်ကို ပြန်ဆက်လာခဲ့သည်။ သူမနဲ့ ဖုန်းပြောရချိန်မှာ သူ ရင်တွေခုန်နေပါသည်။ သူမက သူ့ရဲ့ အထက်လူကြီးတစ်ယောက်ပါ။ ကိုယ့်အထက်လူကြီးရဲ့ ဂရုတစိုက်ရှိမှုကို ၀မ်းသာကြည်နူးနေလို့ ရင်တွေခုန်နေခဲ့တာလား။ ဘာခံစားမှုဆိုတာတော့ သူသိပ်မဝေခွဲတတ်ပါ။ သူကိုယ်တိုင် ၀ါသနာမပါပါဘူး။ စိတ်ကုန်နေပါပြီဆိုတဲ့ အလုပ်ကနေ ထွက်ဖို့ ဆုံးဖြတ်ချက်ချပြီးကာမှ  သူမနဲ့ ဖုန်းပြောပြီးချိန်မှာပဲ အရာရာပြောင်းလဲသွားသည်တဲ့။ဘာပဲပြောပြော ထိုညလေးမှာ သူသည် သူမရဲ့ စကားတစ်ခွန်းအတွက် အလုပ်က မထွက်တော့ဘူးလို့ ဆုံးဖြတ်ချက်ကို ခိုင်ခိုင်မာမာချဖြစ်ခဲ့ပါသည်။ ‘အေးပေါ့။ ၀ါသနာမပါလဲ ကိုယ်လျှောက်တဲ့လမ်းကို  ဆုံးအောင်လျှောက်ရမှာပေါ့။’ ထိုစကားသည် သူ့ကို ချည်နှောင်လိုက်သော စကားဖြစ်သည်။ သူကလည်း ထိုစကားလေးတစ်ခွန်းနှင့်ပဲ ကြည်ကြည်ဖြူဖြူ အချည်နှောင်ခံလိုက်ပါသည်။ သူမ ကိုယ်တိုင်ကတော့ လူတစ်ယောက်ကို ချည်နှောင်လိုက်ပြီဆိုတာ သိချင်မှသိပေမည်။ သူမရဲ့ အမိန့်မဆန်တဲ့ အားပေးမှုလား၊တိုက်တွန်းမှုလား မခွဲခြားနိုင်တဲ့စကားအပေါ်မှာ သူသာယာသွားခဲ့မိပါပြီ။

ထိုညက စပြီး သူပြောင်းလဲလာခဲ့သည်။ သူ့ပြောင်းလဲမှုတွေက တကယ်ကို မြန်ဆန်လှသည်။ အလုပ်ထဲမှာ သူ ပျော်လာသည်။ သူသိပ်မုန်းပါတယ်ဆိုတဲ့ ထို ဂဏန်းတွေကို သူချစ်တတ်လာပြီပဲ။ အရင်က အလုပ်ကို တာဝန်ကျေကျေလုပ်ခဲ့ပေမယ့် သူမပျော်ခဲ့ပါ။ အခုတော့ တာဝန်ကျေအောင်လုပ်ရင်း သူပျော်ရွှင်တတ်လာသည်။ သူမ အကြောင်းတွေကို သူစိတ်ဝင်စားလာသည်။ သူ့ကိုယ်သူ အံသြပါသည်။ သူ ရုံးချုပ်မှာ Training တက်စဉ်က သူမ နဲ့ နေ့တိုင်းတွေ့ခဲ့ရသည်ပဲ။ အဲဒီတုန်းက သူမကို ဘာလို့သတိမထားမိရသည်လဲ။ သူ ညံ့ပါသည်။ သူမ နာမည်လှတာလေးတစ်ခုပဲ စိတ်ဝင်စားခဲ့မိသည်။ သူမ မျက်နှာကို သူ စေ့စေ့တောင် မကြည့်ဖူးခဲ့ပါ။ သူမရဲ့ ရုံးခန်းက သူတို့ထိုင်ရတဲ့ စားပွဲရှေ့ကဖြတ်မှရောက်တာပါ။ သူ့မျက်လုံးရှေ့ဝင်ဝင်လာသည့် သူမရဲ့ ပုံရိပ်တွေကို သူသတိမပြုမိခဲ့ပါ။ ရံဖန်ရံခါ သူ့စားပွဲနားကိုတောင် သူမရောက်လာတတ်သည်ပဲ။ ဒါလည်း သူဂရုမစိုက်ခဲ့မိပါ။ ထိုအချိန်တွေအတွက် သူနောင်တရချင်နေပါသည်။ ထိုသတိမပြုခဲ့မိသောအချိန်က သူမရဲ့ ပုံရိပ်ရေးရေးလေးကို သူပြန်စဉ်းစားရင်း လွမ်းတတ်လာပါသည်။

၂၀၁၁ နှစ်ကုန်ခါနီးမှာ  သူ ရုံးချုပ်ကို ခဏခဏသွားရပါသည်။ (ထိုစဉ်က သူ သူမကို စိတ်မ၀င်စားသေးပါ။) သူ ခရီးခဏခဏ ထွက်ရလျှင် နေသိပ်မကောင်းတတ်ပါ။ ထို့ကြောင့်ပဲ Allowance မလောက်ဘူးဆိုသည့် အကြောင်းပြချက်လှလှလေးနှင့် သူ ခရီးထွက်ဖို့ ငြင်းဆန်တတ်ပါသည်။ သို့သော် တာဝန်သည်တာဝန်သာ ဖြစ်၍ သူရဲ့ ကလေးဆန်မှုက အရာမထင်ပါ။ သူ ခရီးတွေ ထွက်ရပါသည်။ ရုံးချုပ်ရောက်လျှင် သူမနှင့် အမြဲတွေ့ရတတ်ပါသည်။ သို့သော် သူသည် ခရီးပန်းသည့်အတွက် ဘာကိုမှ  စိတ်မ၀င်စားနိုင်ပါ။ သူ  သူမနှင့်တွေ့ခွင့်ရခဲ့သည့် ထိုအချိန်တွေကို အရမ်းပဲ တောင့်တမိလာပါသည်။

၂၀၁၂ နှစ်စပိုင်းမှာ  သူတို့ကုမ္ပဏီက Chinese New Year Party ကို ရုံးချုပ်မှာ လုပ်ပေးပါသည်။ နယ်ရုံးခွဲမှ လိုက်မည့်သူများ စာရင်းကြိုတင်ပေးရသည်။ သူကတော့ ခရီးထွက်ရမှာ ပျင်းတဲ့သူမို့ စာရင်းမပေးဖြစ်ခဲ့ပါ။ ထိုအချက်ကပဲ သူမနှင့် သူရဲ့ တွေ့ဆုံမှုအတွက် လွဲချော်မှုတစ်ခုဖြစ်ခဲ့သည်။ သူ သူမကို ချစ်မိနေပြီဆိုတာ သေချာသွားသည့်အချိန်တွင် အရာရာနောက်ကျနေခဲ့ပြီ။ သူ ရုံးချုပ်ကို လိုက်ခွင့်မရခဲ့ပါ။ သူမနှင့် တွေ့ဆုံခွင့်မရခဲ့ပါ။ သူ့လုပ်ဖော်ကိုင်ဖက်သူငယ်ချင်းက တစ်ဆင့် သူမ သိပ်ကြိုက်သည့် ချောကလက်ထည့်ပေးလိုက်ပါသည်။  ထို ပါတီပွဲတက်ခဲ့သည့် သူငယ်ချင်းတွေကတစ်ဆင့် သူမရဲ့ မရေမရာသတင်းတစ်ခုကြားခဲ့ရသည်။ သူမဟာ အဆိုတော်တစ်ယောက်ရဲ့ ရည်းစားဆိုသည့် မသေချာသည့် သတင်းက သူ့ကို ကြေကွဲစေသည်။ သူ့ရဲ့ ညတွေကို အိပ်ပျက်ညတွေအဖြစ် ဖန်ဆင်းလိုက်သော ထိုသတင်းအတွက် သူ ပွင့်ပွင့်လင်းလင်းပဲ သူမကို မေးဖြစ်ခဲ့သည်။ ထိုသတင်းမှားနေသည်ဆိုသည့် သူမရဲ့ အဖြေကိုပဲ သူမျက်စိမှိတ် ယုံကြည်လိုက်ပါသည်။ ထိုအချိန်ကစ၍ သူ သူမကို ချစ်တယ်လို့ ပြောမိသွားသည်။ သူ့ရဲ့ အထက်အရာရှိမို့ သူ့စိတ်ကိုချုပ်ထိန်းခဲ့ပေမယ့် ခံစားချက်ကိုတော့ ထိန်းလို့မရခဲ့ပါ။

သူသည် သူငယ်ချင်းက တစ်ဆင့် သူမအိမ်လိပ်စာကို စုံစမ်းခိုင်းပါသည်။ Training အတူတူတက်ခဲ့ရတာချင်းအတူတူ သူ့သူငယ်ချင်းသည် သူမရဲ့ ဖုန်းနံပါတ်၊ ဂျီမေးလ် အားလုံးကို သိနေခဲ့သည်။ သူ့အတွက်တော့ ရေကန်အသင့် ကြာအသင့်ပါပဲ။ Valentine Day နီးလာပြီ။ သူမလိပ်စာကို သိရမှ ဖြစ်မည်။ သူငယ်ချင်းကောင်းမှုဖြင့် သူမလိပ်စာလေးသိခွင့်ရခဲ့သည်။ သူတို့မြို့လေးမှာ လက်ဆောင်ပစ္စည်းလှလှလေးတွေ ရှာရခက်ပါသည်။ ရန်ကုန်မှာနေသော သူမအတွက် သူ့လက်ဆောင်တွေက ရယ်ချင်စရာကောင်းနေလိမ့်မည်။ သူမအတွက် လက်ဆောင်ဝယ်ပြီးသည့် ညမှာပဲ သူမဆီကို သူဖုန်းဆက်ခဲ့သည်။ သူမသည် သင်တန်းတွေ၊ အလုပ်တွေနှင့် အချိန်ပြည့် မအားမလပ်ဖြစ်နေတတ်သည်။ ထိုညက သူမခြွေသော သြ၀ါဒတွေ တော်တော်နားထောင်လိုက်ရသည်။ သူမစိတ်ထဲ သူ့ကို အလုပ်ထဲမှာ အခက်အခဲရှိသဖြင့် သူမဆီ ခဏခဏ ဖုန်းဆက်နေသည်ဟု ထင်နေပုံပါပဲ။ နောက်ရက်မှာ အဝေးပြေးကားဂိတ်ကတစ်ဆင့် သူမဆီ လက်ဆောင်ပို့ပေးခဲ့သည်။ သူမနဲ့ ဆင်တူသောက်ဖို့ဝယ်လာခဲ့သည့် ကော်ဖီခွက်လေးကိုပါ ယူမထားတော့ဘဲ ထည့်ပေးလိုက်ဖြစ်သည်။ သူမအတွက်က အဖြူရောင်ခွက်ကလေး၊သူ့အတွက်က အနက်ရောင်ခွက်လေးပါ။ ဆင်တူလေးမို့ ကော်ဖီသောက်တိုင်း သတိရချင်နေသည့် စိတ်ဖြင့် သူဝယ်လာခဲ့ခြင်းဖြစ်သည်။ သူမသိပ်ကြိုက်တဲ့ ချောကလက်ကတော့ လက်ဆောင်ထဲမှာ မပါမဖြစ်ပေါ့။ သူက ချောကလက်ကို ရည်ရွယ်ချက်ဖြင့် ပေးခြင်းဖြစ်သည်။ သူမက ချောကလက်အရမ်းကြိုက်ပါသည်။ သူပေးသော ချောကလက်စားလိုက်လျှင် သူ့ကို အလိုလို ချစ်ပြီးသားဖြစ်သွားပါလိမ့်မည်။ သူ့အတွေးသည် ကလေးဆန်ပေမယ့် သူ့အတွေးနှင့်သူတော့ ပျော်ရွှင်ရပါသည်။

နောက်ရက်မှာ သူမဆီက လက်ဆောင်ရကြောင်းဖုန်းဆက်လာသည်။ သူမ အသံတွေတုန်ရင်နေသလိုပဲ။ သူမ ပျော်နေတာလား။ သူမဆီရေးပေးလိုက်သည့်စာထဲမှာ သူ့အတွက်ဝယ်ထားသည့်ခွက်လေးအကြောင်းလည်းပါပါသည်။ သူမက ထိုခွက်ကလေးကို ပြန်ပို့ပေးချင်ကြောင်းပြောခဲ့သည်။ သူမကို အိမ်မှာတစ်ခွက်၊ရုံးမှာ တစ်ခွက်ထားဖို့ပြောပြီး ပြန်မယူတော့ကြောင်းပြောလိုက်မိသည်။ ထိုညက မက်သော သူ့အိပ်မက်သည် အရမ်းချိုမြိန်ပါသည်။

သူ သူမအချစ်ကို ရအောင်လုပ်လို့မရဘူးလားလို့မေးကြည့်တော့ သူမက ကြိုးစားကြည့်ပေ့ါတဲ့။ သိပ်ကို ဝေးလွန်းတယ်၊ တစ်ယောက်အကြောင်း တစ်ယောက်လည်း မသိကြဘူးလေဆိုသည့် သူမရဲ့ စကားအတွက် သူ့ရဲ့ အကြောင်းတွေပြောပြပါမည်။ ထိုအကြောင်းတွေကို သူက သူမနဲ့ အတူတူထိုင်ပြီး ပြောပြချင်ပေမယ့် သူ့မှာ ထိုအခွင့်အရေးမရှိပါ။ ဖုန်းဆက်ပြီးပြောပြရအောင်လည်း သူမက သင်တန်းတွေနှင့် မအားလပ်ပါ။ ထို့ကြောင့် နောက်ဆုံးနည်းလမ်းမှာ ဂျီမေးလ်နှင့် ပြောပြခြင်းသာ အကောင်းဆုံးဖြစ်သည်။ သူမ ဖတ်ဖြစ်မဖတ်ဖြစ် မသေချာပေမယ့် သူကတော့ ပြောပြပါမည်။ သူနာကျင်လွန်းလို့ မေ့ထားသည့် သူ့ရဲ့ ပညာရေးရည်မှန်းချက်အကြောင်း၊တစ်ချိန်က သူ့အနာဂတ်အကြောင်းတွေ၊ သူကလေးတုန်းက အကြောင်းတွေကို  ပြန်တူးဖော်ပြီး သူမကိုပြောပြခဲ့ပါသည်။ သူ့အတိတ်သည် သူမအတွက် ပြန်လည်အသက်ဝင်လာရပေမယ့် သူမကို ပြောပြနေတဲ့အခါမှာတော့ ဟိုအရင်လို မနာကျင်တော့ပါ။ သူ့အကြောင်းတွေကို လူချင်းတွေ့ပြီးပြောရင်း သူမပြန်မေးလာမည့် မေးခွန်းတွေကိုလည်း သူက စိတ်လိုလက်ရဖြေကြည့်ချင်သည်။ အခုတော့ သူ့ပို့သော မေးလ်တွေဖတ်ဖြစ်လား မဖတ်ဖြစ်လားဆိုတာ သူ သေချာမသိပါ။ သူ့အကြောင်းတွေကို သူမ သိနေပြီလားဆိုတာလည်း သိပ်မရေရာပါ။

သူမကို ချစ်တယ်လို့ ပြောပြီးကတည်းက သူတို့နှစ်ယောက်နည်းနည်းဝေးကွာသွားသလို ခံစားရပါသည်။ သူမက်ဆေ့ခ်ျပို့လျှင် အရင်က ပြန်ပို့တတ်ပေမယ့် နောက်ပိုင်းသူမက ပြန်မပို့တော့ပါ။ သူမစိတ်ကို သူမ ထိန်းချုပ်နေသလား။ သူ့မက်ဆေ့ခ်ျတွေ သူမဖတ်ရရဲ့လား။ ဘာဆိုဘာမှ သူသေချာမသိပါ။ သူကတော့ သူမဆီ မက်ဆေ့ခ်ျမှန်မှန်ပို့ဖြစ်နေပါသည်။ တကယ်တော့ သူသည် တဖက်သတ်ရူးသွပ်နေသူသာဖြစ်သည်။

သူ မန္တလေးရုံးကို အလုပ်ကိစ္စနဲ့ သွားတုန်းကပေါ့။ သူ့သူငယ်ချင်းနဲ့ လျှောက်လည်ရင်း သူမအတွက် ချောကလက်ဝယ်ခဲ့သည်။ သူမဆီ လှမ်းဖုန်းဆက်ရင်း စကားတွေပြောဖြစ်သည်။ ထိုညက သူမအသံတွေတော်တော်ကြည်လင်နေပါသည်။ ဆိုင်ကယ်စီးနေတာလား။ ဆိုင်ကယ်စီးရင်းဖုန်းမပြောရဘူး နောက်မှပြန်ဆက်ဆိုသည့် စကားက သူ့ကို စိုးရိမ်နေသည်ပဲ။ သူမက သူ့အတွက် စိုးရိမ်နေသည်တဲ့။ ရုံးကို ပြန်ရောက်တော့ သူမဆီ သူဖုန်းပြန်ခေါ်ဖြစ်သည်။ ထိုညက ရုံးရှေ့မှာ ခြင်ကိုက်ခံပြီး သူမနဲ့ တော်တော်ကြာဖုန်းပြောဖြစ်သည်။ သူမကိုလည်း သူ ပိုပိုချစ်လာမိပါသည်။

မန္တလေးကပြန်ရောက်ပြီးသည့်နောက်ပိုင်း ရုံးမှာ သူအမြဲလိုလိုပြုံးနေတတ်ပါသည်။ လုပ်ဖော်ကိုင်ဖက်တွေကတော့ သူ့ကို ရူးနေပြီဟု ထင်ချင်ထင်ပါလိမ့်မည်။ သူတစ်ယောက်တည်း သူမနှင့်ပြောခဲ့သည့် စကားတွေကို ပြန်ပြန်စဉ်းစားရင်း ခဏခဏပြုံးမိပါသည်။ သူမကို အရမ်းလွမ်းသည့်အခါ သူ့ ကွန်ပျူတာ Desktop ပေါ်က သူမပုံကိုကြည့်ပြီး အလွမ်းဖြေတတ်နေပါပြီ။

သူ့ရဲ့ မသိစိတ်ထဲမှာ သူမဘာကြောင့် စိုးမိုးနေသလဲဆိုသည့် အချက်ကို သူသုံးသပ်ကြည့်ပါသည်။ သူမသည် သူ မသိသည့် အလုပ်တွေကို မေးလျှင် စိတ်ရှည်လက်ရှည် ရှင်းပြတတ်သည်။ တစ်ခါတုန်းကပေါ့။ သူ့တို့ရုံးက အစ်မတစ်ယောက်က ရုံးပြောင်းတော့မှာမို့ သူ့ကို ငွေကိုင်ခိုင်းသည်။ သူ့  အလုပ်က စာရင်းကိုင်လေ။ ငွေကိုင်မှ မဟုတ်တာ။ ဒါပေမယ့် သူအားနာတတ်ပါသည်။ ပြတ်ပြတ်သားသား မငြင်းရဲပါ။ သူ သူမနှင့် ဖုန်းဆက်ပြီး ထိုပြဿနာအကြောင်းပြောဖြစ်သည်။ သူမက မန်နေဂျာကို ငွေကိုင်တစ်ယောက်ခန့်ပေးဖို့ တောင်းဆိုကြည့်ဖို့ အကြံပြုသည်။ ခက်တာက ဘယ်သူ မန်နေဂျာဆိုတာ သူသဲသဲကွဲကွဲ မသိပါ။ သူမက တခြားသူလုပ်ခိုင်းတိုင်းလုပ်စရာလား၊ ဒါအားနာစရာမလိုဘူး ။ ပြတ်ပြတ်သားသားပြောလိုက်။ ငွေကိုင်လုပ်ပေးလို့လဲ လစာ ပိုရမည်မဟုတ်ကြောင်း။ စာရင်းပဲကိုင်ရမည်ဖြစ်ကြောင်း ပြောသည်။ သူမ အသံတွေက သူ့ကို အားမလိုအားမရဖြစ်နေသည်ပဲ။ သူသာ သူမအနားမှရှိနေလျှင် သူမခန္ဓာကိုယ်သေးသေးလေးနှင့် သူ့ကို စိတ်မရှည်လွန်းလို့ အားမရလွန်းလို့ ကိုင်ပေါက်မည်လားတောင် မပြောတတ်ပါ။ တခြားသော အခက်အခဲတွေကိုလည်း သူမက စိတ်ရှည်လက်ရှည် ရှင်းပြတတ်ပါသည်။ ထိုအချက်တွေကပဲ သူ့ရဲ့ မသိစ်ိတ်ထဲ သူမရောက်နေခဲ့တာ ရာနှုန်းပြည့်ဖြစ်နိုင်ပါသည်။

သူ့ရဲ့ သူမအပေါ် ထားရှိတဲ့ အချစ်ကိုလည်း အဓိပ္ပာယ်ဖွင့်ချင်ပါသည်။ သူ့အချစ်သည် ပူလောင်မနေပါ။ Platonic Love တဏှာရာဂကင်းသော အချစ်ဖြစ်ပါသည်။ တဏှာရာဂမကင်းသော ၁၅၀၀ အချစ်ကို အရောင်နှင့် အနီရောင်ဟု သတ်မှတ်မည်ဆိုပါစို့။ သူ့အချစ်သည် ပန်းရောင်ဖျော့ဖျော့လေးသာဖြစ်သည်။ ရည်းစားချစ်ကို ဂဏန်းနှင့် ၁၅၀၀ ဟု သတ်မှတ်လျှင် သူ့အချစ်ကို ၇၅၀ ဟုသာသတ်မှတ်ချင်ပါသည်။ ၁၅၀၀ အချစ်သည် မုန်တိုင်းအဆင့်ဆိုပါက သူ့ရဲ့ ၇၅၀ အချစ်သည် လေပြည်လေညင်းလေးသာဖြစ်ပါသည်။ သူမ ဆီကလည်း ထိုအချစ်မျိုး သူလိုချင်တပ်မက်ပါသည်။ ဒါပေမယ့် သူသိပ်မမျှော်လင့်ရဲပါ။ သူမဆီက ငြိမ်းအေးသော အချစ်(၇၅၀)ကို သူ အရမ်းမျှော်လင့်နေမှန်း သူမ သိမည်ဆိုလျှင်………………

ရစ်ပတ်ထားသော အဖြူရောင် နှောင်ကြိုးများ

ညီအစ်ကို မောင်နှမအရင်း တစ်ယောက်မှ မရှိတဲ့ ကိုယ့်ဘ၀မှာ အဖော်ဆိုတာ အရေးအကြီးဆုံးပဲ။ ‘Only Child’ ဆိုတဲ့ ဂုဏ်ပုဒ်ကြီး  ပိုင်ဆိုင်ထားတဲ့ ကိုယ့်ဘ၀မှာ စာအုပ်တွေဟာ သူငယ်ချင်းကောင်းအဖြစ် အခုချိန်ထိ ရပ်တည်နေတုန်းပေါ့။ ငယ်ငယ်လေးကတည်းက ကိုယ်နဲ့ အိုးမကွာ၊အိမ်မကွာ ကစားပေးမယ့် အဖော်ဆိုတာ မရှိခဲ့တော့ စာအုပ်တွေသာ ကိုယ်နဲ့ နပန်းလုံးစရာ သူငယ်ချင်းဖြစ်ခဲ့တာပါ။ ရွှေသွေးတို့၊မိုးသောက်ပန်းတို့ဆိုတာ ကိုယ်ငယ်ငယ်လေးကတည်းက ဖတ်ခဲ့တာတွေပေ့ါ။ လေးတန်း၊ငါးတန်းလောက်မှာတော့ ဖေဖေဖတ်တဲ့ မဂ္ဂဇင်းတွေကို ဖတ်ဖြစ်ခဲ့တယ်။ ဖေဖေနဲ့ စာအုပ်ငှားဆိုင်လေးကို လိုက်လိုက်သွားပြီး ပုံပြင်စာအုပ်တွေ၊ ကာတွန်းစာအုပ်တွေကို  ငှားဖတ်ခဲ့တယ်။ ကိုယ်တို့ အမြဲတမ်း ငှားဖြစ်တဲ့ စာအုပ်ဆိုင်ကတော့ Cupid စာအုပ်ငှားဆိုင်ပါပဲ။ အဲဒီစာအုပ်ငှားဆိုင်လေးကို ကိုယ်ကလေးဘ၀ကတည်းက သဘောကျခဲ့တာ။ စာအုပ်တွေကိုလည်း ဖလင်ဖုံး(သို့) ဂျပ်ပြားတွေနဲ့သပ်သပ်ရပ်ရပ်ဖုံးထားလို့ စာအုပ်တွေကို ကြည့်လိုက်ရင် အမြဲတမ်း သန့်ရှင်းသပ်ရပ်နေတာပါ။ ဆိုင်ဖွင့်ချိန်၊ ပိတ်ချိန်ကိုလည်း တိတိကျကျ သတ်မှတ်ထားတာ စည်းကမ်းကို တန်ဖိုးထားလို့ ထင်ပါရဲ့။ စာအုပ်ငှားဆိုင်လေးမှာ ငှားတဲ့သူတွေ အရမ်းပေါတယ်လေ။ ကိုယ်သာ မုံရွာမှာ အမြဲရှိနေဖြစ်မယ်ဆိုရင် Cupid စာအုပ်ငှားဆိုင်လေးမှာပဲ စာအုပ်တွေကို အမြဲတမ်း ငှားဖတ်ဖြစ်နေဦးမှာပါ။ ကိုယ် ခုနှစ်တန်းစာမေးပွဲဖြေပြီး နွေရာသီကျောင်းပိတ်ရက်မှာပေါ့။ Cupid ကို စာအုပ်ငှားဖို့ သွားခဲ့တယ်။ ကိုယ့်မျက်လုံးတွေဟာ ခါတိုင်းလို ကာတွန်းတွေ၊ပုံပြင်တွေထားတဲ့ စင်ဘက်မှာ မရှိခဲ့ဘူး။ လူကြီးသူကောင်းတွေဖတ်ကြတဲ့ စင်ဘက်ကိုရောက်နေတယ်လေ။ အဲဒီနေ့က ဆရာချစ်စံဝင်းရဲ့ စာအုပ်ကို ငှားခဲ့တယ်။(စာအုပ်နာမည်တော့ မမှတ်မိတော့ပါ။) ကလေးတစ်ယောက်အနေနဲ့ ဆရာချစ်စံဝင်းရဲ့ စာအုပ်ဟာ အရမ်းမြင့်နေတာပေါ့။ အိမ်ရောက်တော့လည်း ငှားလာတဲ့ စာအုပ်ကို ကြည့်ပြီး ကြီးကျယ်လိုက်တာလို့ အပြောခံခဲ့ရပါတယ်။ ကိုယ့်စိတ်ထဲမှာတော့ ဂုဏ်တွေယူလို့ပေါ့။ ရှစ်တန်းကျောင်းသူ ဘ၀မှာတော့ ကိုယ်စုထားတဲ့ မုန့်ဖိုးလေးနဲ့ ဆရာကောင်းသန့်ရဲ့ သမီးလေးဖတ်ဖို့ အမှတ် ၁၊၂ ကို ၀ယ်ခဲ့တယ်။ ဆရာကောင်းသန့်ရဲ့ စာတွေဟာ ကိုယ့်စိတ်ဓာတ်တွေကို တက်ကြွစေခဲ့တယ်။ သမီးလေးဖတ်ဖို့ အမှတ် ၂ စာမျက်နှာ ၆ မှာ Only One But Lion (တစ်ကောင်းတည်း ဒါပေမယ့် ခြင်္သေ့) ဆိုတဲ့ စာသားလေးက ကိုယ့်အတွက်တော့ အထိမိဆုံးပါပဲ။ မောင်နှမအရင်း မရှိလို့ အားငယ်မိတဲ့ အခါတိုင်း ‘တစ်ကောင်တည်း ဒါပေမယ့် ခြင်္သေ့’ ဆိုတဲ့ စာသားလေးက ကိုယ့်ကို အားတွေဖြစ်စေခဲ့တယ်။ Only Child တွေရဲ့  အားနည်းချက်က တစ်ခါတစ်ရံ အထီးကျန်တတ်တယ်။ ၀မ်းနည်းတတ်တယ်။ ကိုယ်စိတ်ဓာတ်ကျ အားငယ်နေချိန်မှာ စာကောင်းကောင်းတစ်ပုဒ် ဖတ်လိုက်ရလို့ကတော့ ကိုယ့်စိတ်ဓာတ်တွေဟာ ခါကာဘိုရာဇီ တောင်ထိပ်ရောက်သွားသလို မြင့်တက်သွားတော့တာပေါ့။ အဲဒီလိုအချိန်မှာ အားငယ်စိတ်ဆိုတာလည်း မရှိတော့ဘူး။ ၀မ်းနည်းမှုဆိုတာလည်း မရှိတော့ဘူးပေါ့။ ကိုယ့်ကိုယ်ကို ယုံကြည်မှုအပြည့်ရှိလာတယ်။ဒါ့ကြောင့်မို့ စာအုပ်တွေဟာ ကိုယ့်ရဲ့ ငယ်ပေါင်း သူငယ်ချင်းကောင်း ၊ ကိုယ်ယုံကြည်ရတဲ့သူ၊ ကိုယ့်ကို ယုံကြည်မှုပေးတဲ့သူပါပဲ။ အခုထိလည်း ကိုယ်စိတ်ဓာတ်ကျ၊စိတ်ပင်ပန်းနေရင် စာအုပ်ဆိုင်သွားပြီး ကိုယ့်မှာရှိတဲ့ ပိုက်ဆံနဲ့ စာအုပ်တစ်အုပ်ဝယ်ဖတ်လိုက်တာပဲလေ။ ကိုယ့်ဗီရိုလေးလည်း စာအုပ်တွေနဲ့ ပြည့်နှက်နေတော့တယ်။

ကိုယ်ကျောင်းနေတဲ့ အရွယ်မှာ သက်ရှိသူငယ်ချင်းတွေအများကြီးနဲ့ ကြုံတွေ့ခဲ့ဖူးတယ်။ သူငယ်တန်းကနေ ဆယ်တန်းအထိ ကိုယ်အရမ်းခင်တဲ့ သူငယ်ချင်းရှိခဲ့သလို ကိုယ့်ကို ခင်တဲ့ သူငယ်ချင်းတွေလည်း ရှိခဲ့ပါတယ်။ အမှန်အတိုင်းပြောရရင် ကိုယ့်မှာ စားအတူ ၊ လာအတူ၊သွားအတူ သူငယ်ချင်းတော့မရှိခဲ့ပါဘူး။ အဲဒီလို သူငယ်ချင်းမျိုးကို အခုထိ တောင့်တနေဆဲပါ။ သူငယ်ချင်းဆိုရင်လည်း ငယ်သူငယ်ချင်းကမှ ပိုကောင်းတယ်လို့ ထင်ထားခဲ့တာ။ အဲဒီအတွေးဟာ မှားယွင်းနေမှန်း အဖြူရောင်နှောင်ကြိုးတစ်ချောင်းက ရစ်ပတ်လိုက်မှပဲ သိလိုက်ရတယ်။ အဖြူရောင်နှောင်ကြိုးလေးရဲ့ နာမည်က အေးမြတ်မွန်လေ။ မွန်မွန်နဲ့ GCCE တက်မှ သူငယ်ချင်းဖြစ်ခဲ့တာပါ။ အခုတော့ မန္တလေးမှာ ကျောင်းတက်နေတယ်။ ကိုယ်တို့နှစ်ယောက် ဝေးခဲ့တာ GCCE Second  Term ဖြေပြီးကတည်းကပါ။ မွန်မွန်နဲ့ တွေ့စက သိပ်မရင်းနှီးခဲ့ပေမယ့် နောက်ပိုင်းမှာတော့ ငယ်သူငယ်ချင်းတစ်ယောက်လိုပဲ ရင်းနှီးခဲ့ကြတယ်။ လူတစ်ယောက်နဲ့ တစ်ယောက်ခင်မင်ကြတယ်ဆိုရာမှာ အကြောင်းပြချက်တွေ ရှိဖို့လိုမယ်မထင်ပါဘူး။ ဒီလိုပဲ ကိုယ်တို့နှစ်ယောက်ကလည်း အကြောင်းပြချက်တွေမရှိဘဲ ဖြူစင်စွာ ခင်မင်ခဲ့ကြတာပါ။ မွန်မွန်က ဂျပန်ဘာသာကို အရမ်းဝါသနာပါတဲ့သူပါ။ (၁၀)တန်းအောင်ပြီး လိုင်းတွေမကျခင်မှာ အားနေလို့ GCCE တက်ခဲ့တာပေါ့။ ကွန်ပျူတာကောလိပ်မှာတက်ခွင့်ရချင်လားလို့ မွန့်မွန့်ကိုမေးတော့ “တက်လည်း တက်ချင်တယ်။ မတက်လည်း မတက်ချင်ဘူး” တဲ့လေ။ ကိုယ့်ဘက်ကတော့ မွန့်မွန့်ကို GCCE ကနေ GCC ကို တက်ခွင့်ရရင် တက်စေချင်ခဲ့တာပါ။ Second Term ဖြေပြီးတော့ သူဝါသနာပါတဲ့ ဂျပန်ဘာသာကို မန္တလေးနိုင်ငံခြားဘာသာ တက္ကသိုလ်မှာ သွားတက်ခဲ့တယ်။ GCCE အောင်စာရင်းထွက်တော့ ကိုယ်တို့နှစ်ယောက်လုံး တက်ခွင့်ရခဲ့တယ်။ ကိုယ်ကတော့ ၀မ်းသာအားရဖြစ်လို့။ ဒါပေမယ့် မွန်မွန်ကတော့ ဂျပန်ဘာသာကိုပဲ ရွေးချယ်ခဲ့တယ်လေ။ သူမ ကွန်ပျူတာကို မတက်လောက်ဘူးဆိုတာ ကိုယ်မျှော်လင့်ထားပြီးသားပါ။ ကိုယ့်အနေနဲ့ သူမကို ကွန်ပျူတာတက်ဖို့ တိုက်တွန်းခဲ့ပေမယ့် မွန်မွန့်ရဲ့ ဆုံးဖြတ်ချက်တွေဟာ ခိုင်မာနေခဲ့တယ်။ မွန်မွန့်ကို ချီးကျူးမိတယ်။ မွန်မွန့်နေရာမှာ ကိုယ်သာဆို အဲဒီလို ပြတ်ပြတ်သားသား ဆုံးဖြတ်နိုင်ပါ့မလားလို့လေ။ အခုဆိုရင် ကိုယ်တို့နှစ်ယောက်သိပ်မတွေ့ဖြစ်ကြတော့ပါဘူး။စာချင်းပဲ ဆက်သွယ်နိုင်တော့တယ်။ ၀မ်းသာစရာ၊၀မ်းနည်းစရာ စတဲ့အကြောင်းအရာတွေကို စာနဲ့ရေးပြီး ရင်ဖွင့်ရတာကလည်း အရသာတစ်မျိုးပေါ့။ ကိုယ်တို့နှစ်ယောက်ဟာ ခရစ္စမတ်နေ့၊ သူငယ်ချင်းများနေ့နဲ့  မွေးနေ့တွေမှာ အမှတ်တရလက်ဆောင်တွေ အပြန်အလှန်ပို့ကြတယ်။ လက်ဆောင်ဆိုတာ တန်ဖိုးနည်းတာ၊ များတာနဲ့ မဆိုင်ဘဲ ပေးသူရဲ့ သတိတရ ရှိနေမှုတွေနဲ့သာ ဆိုင်တယ်လို့ ကိုယ်တို့ ယုံကြည်ထားကြတယ်။ တန်ဖိုးတွေပါလာရင် ကိုယ်တို့ရဲ့ ခင်မင်မှုတွေ အရောင်ပြောင်းသွားနိုင်တယ်လေ။ ကိုယ်တို့ဟာ ငယ်သူငယ်ချင်းတွေ မဟုတ်ကြပေမယ့် တစ်ယောက်နဲ့ တစ်ယောက် နားလည်ပေးနိုင်တယ်။ ယုံကြည်နိုင်တယ်။ သတိတရ ရှိနေမှုတွေကြောင့်ပါ ကိုယ်တို့ကြားက သံယောဇဉ်တွေ ပိုခိုင်မြဲလာရတယ်။ ခင်မင်မှုကို ခင်မင်မှုနဲ့ ရင်းပြီးမှပဲ ရတယ်ဆိုတာ အရမ်းမှန်တာပါပဲ။ သူငယ်ချင်းဆိုရင် ငယ်သူငယ်ချင်းကမှ ကောင်းတယ်ဆိုတဲ့ အတွေးမှားလည်း ကိုယ့်မှာ မရှိတော့ပါဘူး။

နောက်ထပ်အဖြူရောင်သံယောဇဉ်ကြိုးတစ်ချောင်းကျန်ပါသေးတယ်။ (၁၀)တန်းဖြေပြီးတော့ Light,Best,Top,For All စတဲ့ မဂ္ဂဇင်းတွေ ၀ယ်ဖတ်ခဲ့တယ်။ ဘာသာပြန်ပြိုင်ပွဲတွေမှာ သူ့နာမည်တွေ့လို့ မိတ်ဆက်စာ စရေးခဲ့တယ်။ သူကတော့ မနိုနိုပဲပေါ့။ မနိုဆီက ပြန်စာမှာ ဘာသာပြန်ပြိုင်ဖို့ လက်တွန့်မနေသင့်ကြောင်း ဆုံးမထားတယ်။ အကြံပေးထားတယ်။ မနိုကြောင့်ပဲ For All မှာ ၀င်ပြိုင်ဖြစ်ခဲ့တယ်။ အင်္ဂလိပ်ကနေ မြန်မာလို ဘာသာပြန်ရတယ်။ ကိုယ့်နာမည်လေးလည်း လက်ရွေးစင် စာရင်းထဲမှာ ပါခဲ့တယ်။ မနိုက ကိုယ့်နာမည်တွေ့ပြီး စာထပ်ရေးလာတယ်။ အခုအချိန်မှာ မနိုနဲ့ စာအဆက်အသွယ်ပြတ်နေပေမယ့် မနိုကို သတိရမိပါတယ်။ Chicken Soup For The Soul ထဲက စာတွေဘာသာပြန်ပြီး Best ကိုလစဉ်လိုလို ပေးပို့ဖြစ်ခဲ့တာ တစ်နှစ်နီးပါးရှိပါပြီ။ ရွေးချယ်ခံရတာ နှစ်ပုဒ်ပဲ ရှိသေးပေမယ့် အားမလျှော့ပါဘူး။ ဆက်ကြိုးစားသွားမှာပါ။ Teen ရဲ့ဘာသာပြန်ပြိုင်ပွဲမှာလည်း ပထမဆုရခဲ့အတွက် အရမ်းကြည်နူးမိပါတယ်။ အားပေးတိုက်တွန်းခဲ့တဲ့ မနိုကို ဒီစာမျက်နှာပေါ်ကနေ အရမ်းကျေးဇူးတင်ကြောင်း ပြောချင်ပါတယ်။

ကိုယ့်ဘ၀မှာ သက်မဲ့သူငယ်ချင်းကောင်းလည်း ရှိတယ်။ သက်ရှိ အခင်ဆုံး သူငယ်ချင်းလည်းရှိတယ်။ Pen Friend အစ်မတစ်ယောက်လည်း ရထားသေးတယ်။ ကိုယ်ကျေနပ်ပါတယ်။ ကိုယ့်အတွက်တော့ အဖြူရောင်နှောင်ကြိုးတွေဟာ တစ်သက်တာ သတိရစရာတွေပါ။ ကိုယ့်ကို ချည်နှောင်ထားတဲ့ အဖြူရောင်နှောင်ကြိုးတွေကို ကိုယ်ချစ်တယ်။ မြတ်နိုးတယ်။ အဖြူရောင်နှောင်ကြိုးတွေကို ကိုယ်ထာဝရသတိရတယ်။ ကိုယ့်ကိုလည်း သတိရကြမယ်ဆိုရင်ဖြင့်…………

No.24 October,2004 ဖူးငုံဆယ်ကျော်သက်မဂ္ဂဇင်း ရေးကြည့်ပါကဏ္ဍ

(ဒီစာမူလေးက စာရေးသူဆယ်ကျော်သက်တုန်းက ဖူးငုံမှာပါခဲ့တဲ့ စာမူလေးပါ။ အခုတော့လည်း စာရေးသူကို အမြဲ ရစ်ပတ်ထားနိုင်တဲ့ နှောင်ကြိုးကတော့ စာအုပ်တွေပါ။ ဝေးကွာသွားလို့ ပြေလျော့သွားတဲ့နှောင်ကြိုးတွေ ရှိသလို အသစ်အသစ်ရစ်ပတ်လာတဲ့ နှောင်ကြိုးတွေလည်း များလာပါပြီ။ စာရေးသူကတော့ အဖြူရောင်နှောင်ကြိုးတွေကို ငံ့လင့်နေတုန်းပါပဲ။)