စောစောလူဖြစ်ရတာ မကောင်းဘူး

      နည်းပညာခေတ်ကြီးမှာ စောစောလူဖြစ်ရတာ မကောင်းပါဘူး။အဲဒီလိုပြောလိုက်လို့ စာရေးသူကို အသက်တော်တော်ကြီးပြီလို့ မယူဆစေချင်ပါဘူး။စာရေးသူအသက်ကအခုမှ(၂၇)နှစ်ပဲရှိသေးတာပါ။ငါသာငါးနှစ်လောက်ပြန်ငယ်လိုက်ရရင်ကောင်းမှာပဲလို့ တွေးမိတာလဲ ခဏခဏပါပဲ။အဲလိုရင်းပဲပြောတော့မယ်။

       စာရေးသူရဲ့ မိုဘိုင်းအတွေ့အကြုံကဒီလိုပါ။စောစောစီးစီးလူဖြစ်လာတဲ့စာရေးသူကို ၂၀၀၇ခုနှစ်မှာ မွေးမိခင် နဲ့မွေးဖခင်က ဖုန်းတစ်လုံး ၀ယ်ပေးပါတယ်။ GSM ၀ယ်ဖြစ်တာကလည်း MBA တက်မိလို့ပါ။ မုံရွာ MBA သင်တန်းမှာ သင်တန်းသားတွေက ဂျီဖုန်းနဲ့ ပဲများကြ။ အဲလေ ဂျီဖုန်းနဲ့ပဲ အဆက်အသွယ်လုပ်ကြ။ အချိန်းအချက်လုပ်ကြလို့ပါ။

    အဲဒီGSMကဒ်လေးဟာ စာရေးသူအစ်ကိုဝမ်းကွဲဗိုလ်တစ်ယောက် မန္တလေးမှာ တာဝန်ကျရင်း လျှောက်ထားလို့ ရတဲ့ဖုန်းလေးပါ။ အဲဒီကဒ်ပိစိလေးကို စာရေးသူဖေဖေက အမြတ်ရှစ်သိန်းပေးပြီး တစ်ဦးတည်းသောသမီးလေးဖြစ်တဲ့ စာရေးသူအတွက်ဝယ်ပေးပါတယ်။GSMလိုင်းလေးကိုပဲနှစ်ဆယ်.လေးသိန်းကျော်ကျခဲ.တာပါ။(စာရေးသူအသက်ပြန် ငယ်ချင်တာမမှားပါဘူးနော်) ကဒ်လေးလက်ထဲရောက်လာပြီဆိုတော့ ဟန်းဆက်လေးကလိုလာပြန်ပြီပေါ့။

ဖေဖေက GSMကဒ်ကို လက်ထဲထည့်ပြီတစ်ခါတည်းအမိန်.ထုတ်လိုက်ပါတယ်။ဟန်းဆက်ကိုလေးသိန်မကျော်စေနဲ့တဲ့။မုံရွာမှာဟန်းဆက်ရောင်းတဲ့ စတိုးရှိပေမဲ့ အရောင်အသွေး အမျိုးအစား စုံစုံလင်လင်ကိုရွေးချင်လို့ မန္တလေးကို မေမေနဲ့ စာရေးသူတို့ခရီးဆန့်ခဲ့ကြပါတယ်။

   မန္တလေးရောက်တော့ စာရေသူရဲ့ဦးလေးက ဖုန်းဆိုင်တွေတစ်ဆိုင်ဝင်တစ်ဆိုင်ထွက် လိုက်ပြပေးပါတယ်။ အရိန္ဒမာ၊ အိုကေ၊Nokia,Any Call,New Any Call, Mobile Mother၊ အိုး …ဆိုင်တွေမှစုံလို.စုံလို.။အဲဒီမှာတင် Any Call မှာ Nokia N95 ဟန်းဆက်လေးကိုတွေ့ပါတယ်။ဈေးနှုန်းက ကိုးသိန်းကျော်ပါ။ ကားနဲ့တက်ကြိတ်ရင်တောင်ခံနိုင်ရည်ရှိတယ် ဆိုတဲ့ ရောင်းသူရဲ့အပြောအောက်မှာ လိုချင်စိတ်ကို မျိုသိပ်ခဲ့မိပါတယ်။ဒါနဲ့ပဲ နောက်ဆုံးတော့ Mobile Mother ကပဲ Nokia N70လေးကို လေးသိန်းနဲ့ဝယ်ခဲ့ပါတယ်။ချစ်မေမေက Motorola Bluetooth လေးကိုပါ ၀ယ်ပေးခဲ့တယ်။

  အဲဒီBluetoothလေးကငါးသောင်းကျော်ပါတယ်။ဈေးနှုန်းတွေထည့်ထည့်ပြောနေတာကြွားချင်လို့မဟုတ်ပါဘူး။ အဲဒီခေတ်အဲဒီအခါက ဈေးနှုန်းတွေကြောင့် စောစောလူဖြစ်လာရတာ ရင်နာမိတဲ့ စာရေးသူရဲ့စိတ်ကို စာဖတ်သူများ နားလည်စေချင်လို့ပါ။N70 ဟန်းဆက်လေးကို မထိရက်မကိုင်ရက်နဲ့ မြတ်နိုးခဲ့တာပါ။ ဖုန်းကာဗာ၊ဖုန်းအိတ်အမျိုးမျိုးနဲ့ ဟန်းဆက်လေးကို ကာကွယ်ခဲ့တာပါ။သူငယ်ချင်းတွေ၊ဆရာမတွေနဲ့ ဆွေမျိုးတွေရဲ့ ဖုန်းနံပါတ်တွေကို Ringtone အမျိုးမျိုးထည့်ခွဲထားပါတယ်။ ဒီလိုနဲ့စာရေးသူဟာ ဖုန်းခရေဇီဖြစ်မှန်းမသိ ဖြစ်လာတယ်။

       ပြီးတော့ ဖုန်းနဲ့ပက်သက်တဲ့ပြဿနာက စာရေးသူဆီ ရောက်လာတယ်။တစ်ရက် ဖေဖေဖုန်းကို အပြင်ယူသွားတယ်၊ စာရေးသူလက်ထဲ ဖုန်းပြန်ရောက်ချိန်မှာ Group ခွဲပြီ Ringtone ထည့်ထားတာတွေ၊Game တွေတစ်ခုမှမရှိတော့ဘူး။ Memory Cardထဲမှာ ဗလာကျင်းလို့ပါ။ ဖုန်းတစ်လုံးကြောင့် ဖေဖေနဲ့စကားများတယ်။ ကိုယ်အမြတ်တနိုးထားတဲ့ဖုန်းလေးဖေဖေ့မိတ်ဆွေတွေကြောင့်Memory card ထဲမှာဘာမှမရှိတော့ပါ။ထမင်းမစားဘဲဆန္ဒပြ၊ စိတ်ဆိုးစိတ်ကောက် လုပ်လိုက်တော့ မေမေကဟန်းဆက်အသစ် ၀ယ်ပေးမယ်ပြောပါတယ်။
    ဒီလိုနဲ့စာရေးသူတို့ သားအမိ မန္တလေးပြန်ရောက်ခဲ့ပြန်တယ်။ ဒီတစ်ခါတော့Mobile Mother ပဲဦးတည်ခဲ့တယ်။ဖုန်းဆိုင်ကအစ်မကနောက်တစ်လုံးဝယ်မယ်ဆိုတော့အံ့သြလို့ပါ။ N70 ၀ယ်ခဲ့တာ တစ်လသာသာဘဲရှိသေးတာပါ။ N70 ဟန်းဆက်ကို  ဘယ်လောက်နဲ့ဝယ်မှာလဲ မေးတော့ နှစ်သိန်းရှစ်သောင်းနဲ့ ဈေးဖြတ်ပါတယ်။ ဘုရားကယ်ပါ။ တစ်လပဲရှိသေးတာပါ။ (ဒါပေမဲ့အဟောင်းဖြစ်သွားပြီလေ) ကျေးဇူးကြီးလှတဲ့မေမေ့ရဲ့ မေတ္တာက“မလိုချင်ဘူး။ ပြန်မရောင်းနဲ့။ အသစ်တစ်လုံးပဲထပ်ဝယ်” တဲ့။အဲဒီမေတ္တာတရားဟာ ဟန်းဆက်ဈေးတွေကျလာတဲ့အခါ ”င့ါရွှေဘယ်နှစ်ကျပ်သားကုန်သွားတာ နင့်ဖုန်းအတွက်” ဆိုတဲ့ ပိကျိပိကျိ ဂရုဏာဒေါသသံဖြစ်လာပါတယ်။

  စာရေးသူရဲ့မိဘကံကောင်းပုံများပြောပါတယ်။ ဒီလိုနဲ့NokiaN73ဟန်းဆက်အသစ်လေးစာရေးသူလက်ထဲရောက်လာပါတယ်။ဈေးနှုန်းကငါးသိန်းပါ။ N 70 နဲ့ N 75 နှစ်လုံးပေါင်းဈေးဟာ စာရေးသူ သွားရည်ကျခဲ့တဲ့ N 95 ဈေးပါ။တစ်ခါထဲ N 95 လေးဝယ်လိုက်ရင်ပြီးရောလို့ စိတ်ထဲကပဲပြောရင်းမေမေ့ မေတ္တာ၊ ဖေဖေ့ မိတ်ဆွေတွေရဲ့ ကလိမှုကြောင့် ဖုန်းကဒ်တစ်ခု နဲ့ဟန်းဆက်နှစ်လုံးပိုင်ဆိုင်သူဖြစ်ခဲ့ရပါပြီ။

       အခုတလော နည်းပညာစာစောင်တွေဖတ်ပြီး စာရေးသူ မျက်စိကျနေတဲ့ ပစ္စည်းတစ်ခုရှိပါတယ်။ iPad 2 လေးလိုချင်လိုက်တာလို့ပြောရင် မေမေမျက်ခုံးလှုပ်နေပါပြီ။

   ဒီတစ်ခါတော့ စာရေးသူမှာ အသင့်အတင့် ကောင်းတဲ့ဝင်ငွေရှိနေပြီဆိုတော့  မေမေကိုမျက်ခုံးမလှုပ်ခိုင်းတော့ပါဘူး။ စာရေးသူရဲ့ စိတ်ကူးကလစာလေးကို ခြစ်ခြုတ်စုထားပြီး iPad 5 ထွက်လာတဲ့အချိန်ကျမှ iPad 2လေးပြေးဝယ်မှာပါ။

   စာရေးသူရဲ့ စိတ်ကူးမမှားပါဘူးနော်။မော်ဒယ်အသစ် အဆန်းတွေထွက်လာရင် မော်ဒယ်အဟောင်းတွေဈေးကျတာ ဓမ္မတာမှန်း ကိုယ်တွေ့ကြုံလို့ သိလိုက်ရပါပြီ။မိုဘိုင်းနဲ့ ပတ်သက်တဲ့ ကမောက်ကမလေးတွေက ဒီလောက်ပါဘဲ။

မှတ်ချက်။       ။Mobile Guide ဂျာနယ် ကိုယ်တွေ့မိုဘိုင်း ကဏ္ဍတွင် ဖော်ပြခံရသော စာမူဖြစ်သည်။

                     

ဖိတ်ခေါ်ပါရစေ

အမျိုးသမီးကြီးတစ်ယောက်ဟာ အိမ်အပြင်ဘက် ထွက်လိုက်တော့ သူမရဲ့ခြံရှေ့ထိုင်နေတဲ့ မုတ်ဆိတ်ဖြူအရှည်ကြီးတွေနဲ့ အဘိုးအို သုံးယောက်ကို မြင်တွေ့ရတယ်။သူမက သူတို့တွေကို မသိပါဘူး။

သူမကပြောလိုက်တယ်။’’ကျွန်မ … ရှင်တို့ကို သိတယ်လို့ မထင်ဘူး။ ဒါပေမဲ့ရှင်တို့ဆာလောင်နေတယ်လေ။ အထဲဝင်ပြီး တစ်ခုခုစားပါလား။ ‘’

‘’ အိမ်ထောင်ဦးစီးရှိပါသလား။’’ လို့ သူတို့ကမေးတယ်။

‘’ မရှိပါဘူး။ သူအပြင်ထွက်သွားပါတယ်။’’ လို့ သူမက ဖြေလိုက်တယ်။

သူတို့ကပြန်ပြောတယ်။’’ဒါဆိုရင် ကျုပ်တို့ အထဲဝင်လို့ မရပါဘူး။’’

ညနေခင်းမှာ သူမရဲ့ ယောက်ျား အိမ်ပြန်ရောက်တဲ့အခါ ဘာတွေဖြစ်ခဲ့တယ်ဆိုတာ သူတို့ ပြောပြတယ်။ ‘’ ငါအိမ်ပြန်ရောက်ပြီလို့ သွားပြောပြီး သူတို့ကို အထဲဖိတ်ခေါ်လိုက်ပါ။’’

အမျိုးသမီးကြီးက အပြင်ထွက်ပြီး လူကြီးတွေကို အထဲဖိတ်ခေါ်လိုက်တယ်။ သူတို့က ပြန်ဖြေတယ်။

‘’ ကျုပ်တို့ အိမ်ထဲကို အတူတူသွားလို့ မရပါဘူး။’’

သူမက သိချင်ဇောနဲ့မေးလိုက်တယ်။ ‘’ ဘာကြောင့်လဲ။’’

အဘိုးအိုတွေထဲက တစ်ယောက်က ရှင်းပြလိုက်တယ်။ ‘’ သူ့နာမည်ချမ်းသာပါ။’’ သူက သူ့သူငယ်ချင်းတွေထဲက တစ်ယောက်ကို ညွှန်ပြရင်း ပြောလိုက်တယ်။ ပြီးတော့ .. အခြားတစ်ယောက်ကိုညွှန်ပြပြီး ‘’ သူကတော့ အောင်မြင်ပါ။ ကျွန်တော်ကတော့ မေတ္တာပါ။ ‘’ အဲဒီနောက် သူက ထပ်ပြောလိုက်တယ်။

‘’ အခု အထဲဝင်ပြီး ကျုပ်တို့ထဲက ဘယ်သူ့ ကို ခင်ဗျားအိမ်ထဲ ၀င်စေချင်သလဲဆိုတာ ခင်ဗျားယောကျာ်းနဲ့ ဆွေးနွေးတိုင်ပင်လိုက်ပါဦး။’’

အမျိုးသမီးကြီးက အထဲဝင်သွားပြီး သူမယောကျာ်းကို ဘာပြောရမလဲဆိုတာ မေးပါတယ်။ သူမယောကျာ်းက အလွန်ဝမ်းမြောက်ဝမ်းသာဖြစ်သွားတယ်။

‘’ဘယ်လောက်ကောင်းလိုက်သလဲ။’’ လို့ပြောပြီး ‘’ ဒါအခွင့်ကောင်းပဲ။ငါတို့ချမ်းသာကို ဖိတ်ခေါ်ရအောင်။သူ့ကို ၀င်ခွင့်ပြုပြီး ငါတို့အိမ်ကို ချမ်းသာခြင်းတွေနဲ့ ဖြည့်ဆည်းမယ်။’’

သူ့ရဲ့ ဇနီးက သဘောမတူပါဘူး။ ‘’ အချစ်ရေ .. ကျုပ်တို့က အောင်မြင်ကို ဘာကြောင့်မဖိတ်ခေါ်ရမှာလဲ။’’

သူတို့ရဲ့ချွေးမဟာ အိမ်ရဲ့ တခြားထောင့်တစ်နေရာကနေ နားထောင်နေပါတယ်။ သူမက ၀င်ပြီး အကြံပေးလိုက်တယ်။ ‘’ မေတ္တာကို ဖိတ်ခေါ်တာထက် ဘယ်အရာက ပိုကောင်းမှာလဲ။ ကျွန်မတို့ရဲ့ အိမ်က မေတ္တာတရားတွေနဲ့ ပြည့်ဝနေလိမ့်မယ်။’’

ယောကျာ်းက သူ့ဇနီးကို ပြောလိုက်တယ်။

‘’ငါတို့ ချွေးမရဲ့ အကြံဥာဏ်ကို လိုက်နာရမယ်။’’

‘’အပြင်သွားပြီး ငါတို့ရဲ့ ဧည့်သည်ဖြစ်မယ့်မေတ္တာကို ဖိတ်ခေါ်လိုက်ပါ။’’

အမျိုးသမီးကြီးက အပြင်ထွက်သွားပြီး အဘိုးအိုသုံးယောက်ကို မေးလိုက်တယ်။ ‘’ ရှင်တို့ထဲက ဘယ်သူဟာ မေတ္တာလဲ။ ကျွန်မတို့ရဲ့ဧည့်သည် အဖြစ် အထဲကိုကြွပါ။’’

မေတ္တာဟာ ထလိုက်ပြီး အိမ်ဆီကို လမ်းစလျှောက်လိုက်တယ်။ အခြားနှစ်ယောက်ကလည်း ထလိုက်ပြီး သူ့နောက်မှ လိုက်ကြတယ်။ အံအားသင့်သွားတဲ့ အမျိုးသမီးကြီး ဟာ ချမ်းသာနဲ့အောင်မြင်ကို မေးလိုက်တယ်။’’ကျွန်မက မေတ္တာကိုသာ ဖိတ်ခေါ်တာပါ။ ရှင်တို့က ဘာကြောင့် အထဲဝင်ရတာလဲ။’’

အဘိုးကြီးတွေဟာ အတူတူ ပြန်ဖြေလိုက်တယ်။

‘’မင်းဟာ ချမ်းသာ ဒါမှမဟုတ် အောင်မြင်ကို ဖိတ်ခေါ်ခဲ့ရင် ငါတို့ထဲက အခြားနှစ်ယောက်က အပြင်မှာ နေခဲ့ရမှာပါ။ ဒါပေမဲ့ မင်းက မေတ္တာကို ဖိတ်ခေါ်ပြီးတဲ့ အချိန်ကစလို့ သူသွားတဲ့နေရာကို ငါတို့က သူနဲ့အတူ သွားရမှာပါ။ မေတ္တာတရားရှိတဲ့ ဘယ်နေရာမဆို ချမ်းသာခြင်းနဲ့ အောင်မြင်ခြင်းလည်း ရှိပါတယ်။ ‘’

The Best English Magazine တွင် ဖော်ပြခံရသော ပထမဆုံးဘာသာပြန်စာမူဖြစ်သည်။

သင်ခန်းစာ

                                                               

               တက္ကသိုလ်တစ်ခုက ကျောင်းသားလူငယ်တစ်ယောက်ဟာ တစ်နေ့မှာ  ကျောင်းသားတွေရဲ့ မိတ်ဆွေလို့ အမည်တွင်တဲ့ ပါမောက္ခတစ်ယောက်နဲ့ လမ်းလျှောက်လာပါတယ်။ထိုသူက သူ့ရဲ့ သင်ကြားပို့ချချက်တွေကို မျှော်လင့်စောင့်ဆိုင်းနေတဲ့သူတွေအပေါ် သူ့ရဲ့ ကြင်နာမှုကို ပြသတတ်သူပါ။ သူတို့နှစ်ယောက် လမ်းလျှောက်လာရင်း လမ်းပေါ်မှာ ရှိနေတဲ့ ဖိနပ်ဟောင်းတစ်ရံကို တွေ့ပါတယ်။ အနီးနားက လယ်ကွင်းတစ်ခုမှာ အလုပ်လုပ်ပြီး သူ့ရဲ့တစ်နေ့တာ အလုပ်ပြီးလုနီးပါးဖြစ်တဲ့ သူဆင်းရဲတစ်ယောက် ပိုင်ဆိုင်တာဖြစ်ရမယ်လို့ သူတို့ ယူဆကြတယ်။

            ကျောင်းသားက ပါမောက္ခဘက်လှည့်ပြီး ပြောတယ်။ ‘’ ကျွန်တော်တို့ အဲဒီလူကို မျက်လှည့်ပြရအောင်။ သူ့ဖိနပ်တွေကို ဖွက်ပြီး ဒီချုံပုတ်တွေနောက် ပုန်းနေရအောင်။သူ့ဖိနပ်တွေ ရှာမတွေ့တဲ့အခါ သူစိတ်ရှုပ်ဦးနှောက်ခြောက်နေတာကို စောင့်ကြည့်ရအောင်။ ‘’

         ‘’ သူငယ်ချင်းလေး ။ ဆင်းရဲသားတွေကို ထိခိုက်နစ်နာစေပြီး ငါတို့ကိုယ်ငါတို့ အပျင်းပြေစေတာမျိုး ဘယ်တော့မှ မလုပ်ရဘူး။ ‘’ လို့ ပါမောက္ခက ပြောတယ်။ “ဒါပေမယ့် မင်းကငွေကြေးတတ်နိုင်ပြီး ဆင်းရဲသားတွေနဲ့ ပတ်သက်လို့ မင်းကိုယ်မင်း ပိုသာတဲ့ ကြည်နူးမှုမျိုး ပေးနိုင်လိမ့်မယ်။ ဖိနပ်တစ်ဖက်ချင်းစီထဲမှာ အကြွေစေ့တစ်စေ့စီ ထည့်ထားလိုက်။ပြီးရင် ငါတို့ပုန်းနေပြီး သူရှာတွေ့တဲ့ အခါ ဘယ်လိုဖြစ်မယ် ဆိုတာ စောင့်ကြည့်ကြမယ်။ “

          ကျောင်းသားက ထိုအတိုင်းလုပ်ခဲ့ပြီး အနားက ချုံပုတ်တွေနောက်မှာ နှစ်ယောက်သား နေရာယူလိုက်ကြတယ်။ သူဆင်းရဲဟာ မကြာခင် သူ့လုပ်တွေ လက်စသတ်ပြီး သူ့အင်္ကျီနဲ့ ဖိနပ်ထားခဲ့တဲ့ လမ်းဆီလယ်ကွင်းကို ဖြတ်ပြီးလာတယ်။ သူ့ ကုတ်အင်္ကျီကို ၀တ်ရင်း သူ့ဖိနပ်တစ်ဖက် စီးတယ်။ ဒါပေမယ့် ခပ်မာမာတစုံတရာကို ခံစားပြီးဘာလဲဆိုတာသိဖို့ ကုန်းလိုက်တယ်။ အကြွေစေ့ကို တွေ့သွားတယ်။ အလွန်အံ့အားသင့်ဝမ်းသာမှုကို သူ့မျက်နှာရိပ်မျက်နှာကဲပေါ်မှာ မြင်တွေ့ရတယ်။ သူက အကြွေစေ့ကို စိုက်ကြည့်တယ်။ ဖင်ပြန်ခေါင်းပြန်ကြည့်တယ်။ ထပ်ခါထပ်ခါ ကြည့်တယ်။အဲဒီနောက် သူ့ဘေးပတ်ဝန်းကျင်ကို ကြည့်တယ်။ ဒါပေမယ့် ဘယ်သူကိုမှ မမြင်ရ။။အခု သူက သူ့အိတ်ထောင်ထဲ ပိုက်ဆံတည့်လိုက်ပြီး နောက်ဖိနပ်တစ်ဖက်ကို ဆက်စီးပါတယ်။ ဒါပေမယ့် နောက်ထပ် အကြွေစေ့ကို ရှာတွေ့သွားလို့ သူနှစ်ဆ အံ့သြသွားတယ်။ သူ့ခံစားချက်တွေကို ချိုးနှိမ်လိုက်တယ်။ ဒူးထောက်လိုက်တယ်။ ကောင်းကင်ကို မော့ကြည့်ပြီး ဘုရားသခင်ရဲ့ ကျေးဇူးတော်ကို စိတ်ထက်သန်စွာ ကျယ်ကျယ်လောင်လောင် ရွတ်ဆိုတယ်။ သူ့ဇနီးသည် နာမကျန်းမှုနဲ့ အကူအညီမဲ့မှု စားစရာမရှိတဲ့ သူ့ကလေးတွေအတွက် အချိန်မီရက်ရောမှုကို ချီးကျူးပြောဆိုတယ်။ ဘယ်သူဘယ်ဝါမသိတဲ့ ကူညီမှုက သေမတတ်ဆင်းရဲဒုက္ခကို ကယ်တင်ပေးနိုင်ခဲ့တယ်။

         အဲဒီမှာရပ်နေတဲ့ ကျောင်းသားဟာ နက်နက်ရှိုင်းရှိုင်းစိတ်ထိခိုက်ပြီး မျက်ရည်စတွေနဲ့ သူ့မျက်ဝန်းမှာ ပြည့်နေတယ်။ ‘’ အခု မျက်လှည့်ပြဖို့ မင်းရည်ရွယ်ခဲ့တာထက် ပိုမကြည်နူးရဘူးလား။ ‘’ လို့ ပါမောက္ခက ပြောတယ်။

         လူငယ်က ပြန်ဖြေတယ်။ ‘’ ကျွန်တော် ဘယ်တော့မှ မေ့မှာ မဟုတ်တဲ့ သင်ခန်းစာတစ်ခုကို ဆရာသင် ပေးခဲ့တယ်။ အရင်က နားမလည်ခဲ့တဲ့ ‘’ ရယူခြင်းထက်ပေးဆပ်ခြင်းက ပိုမွန်မြတ်တယ် ‘’ ဆိုတဲ့ စကားရဲ့ တကယ့်အမှန်တရားကို အခုကျွန်တော် ခံစားမိပါပြီ။ ‘’

                                                                                                                                         ရိုးမြေကျ(မုံရွာ)

No.(145),July,2011 The Best English မှာဖော်ပြခံရသော ဘာသာပြန်စာမူဖြစ်သည်။